Salmos 76
76
Papang minit bayakyang
Coro sumalniyang kaupak, paswi yakisdinin wahni duwa balna kidika. Asaf salnimo dawak unbauna kidika.
1Papang kidika Judá muihni balna kaltalyang ki;
dawak witing ayangni kidika nuhni ki israel yakat.
2Witing ūni kidika laih Sayan tuna yakat sakki,
Jerusalén yakat;
3kidika yakat kalbaunin dini balna dai kidika bitik bahwi disyamna,
isparah, las dawak sibang.
4¡Papang man laih alasna yamni yaksinh as man!
¡Man laih tanit nuhniman, bayakkiwas asangnipas#76.4 Bayakkiwas asangnipas: grik kau kaput ulna. Hibru kau laih yulwi di īhiwa asangnipas. karak dawakat!
5Kulninna tanit dadasni balna dinina kidika dakyayakna;
tanit pararasni balna kidika sip di as bik yayamwasdai;
¡witingna, kamininna witnikau kidika yakat mahka kamamana!
6Witingna kar balna kidika laihwi itiknin bik sip-awas ki,
dawak aras balna yakat bik
man, Jacob Papangni, niningkauh lawang kat.
7¡Man laih yamadangniman!
¿Wais sipyah, man muhma tani yakat kalnikau yaklauwi sak atnin,
man kulnam daukalwakat?
8Makau kisang kaupak man la kat yamtaman kidika niningkataman;
sau kidika yamaduwi kussakti,
9Papang,
man la kat yamnin lawaman kat,
adika sauni muihni balna ditataihwa kidika laihwi yakna atnin.
10Muih al kulnin daukalna kidika laih man ayangma nuhni yamwi;
¡dauh, dibin kulnin daukalna karang bik man kraunma yayamwi!
11Manna pramis yamtanauh Papangmana Dawan yakat,
kaunah pramanamis kat rahm yamtanauh.
Manna, yamanidunin alni yakat awaihdak dutamana kidika,
¡witing yakat minitdis kalanin dini duaitanauh!
12Kat witing yaklauwi, gabamint balna sangninaka dakwi
dawak sau kingni balna yakat bilninalauwi.
Currently Selected:
Salmos 76: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
