Salmos 75
75
Papang laih wihta
Coro sumalniyang kaupak. “Daukalwinih”. Asaf salnimo dawak unbauna kidika.
1Papang, man yakat tingkih matiyang,
tingkih matiyang;
man ayangma yakdi mayuldi#75.1 Yakdi mayuldi: sara kau ulna bu kidika yakat kaput yulwi. Hibru kau laih yulwi uliski. dawak unbaudi di taldas balna yamnaman kidika yulni.
2Dawan yulwi:
“Yang lawik waltik yaktik duki minitni yakat,
lā barangni kat yamki.
3Sau kidika yukwakat, sau muihni balna bitik,
yang lawik kuduh rahni balna kidika pamni laihtik dutayang.”
4Di dauh balna yakat manah kulyang balna kidika dawak muih dudutni balna kidika yuyulwi:
“Manna manah kapat kaldakakawinih;
5manna parasmana kidika yulni uba yuyulwinih
dawak yulbautamana kidika bik praut yuyulwinih.”
6Ilp lani kidika kaiwas ki
tingpal niningkauh dawak wadah niningkauh bik,
dawak kauhmak wanilang wadah niningkauh kaupak bik kaiwas ki,
7kaunah Papang laih wihta,
buas taihlakwi dawak uk balna kidika laih laihwi dulauwi.
8Dawan witing tingni yakat duwi annin sūnitak kidika
wain wasni banawak sapahwi warhna kidika.
Witing yaklauwi wain wasni kidika utuhwak,
sau muihni dudutni balna kidika bitik
witingna didiwarang tahna as bik dadawas karang.#Jr 25:15-29; Ez 23:32-34; Hab 2:16; Rib 14:10; 16:19.
9Jacob Papangni yulni kidika yang ban yulta awaki
dawak bik witing yakat unbauki;
10kat witing yaklauwi muih dudutni witingna manah kapat kaldakakawa kidika dismukwarang bahang,
kaunah muih yayamni balna parasnina kidika laih baisa minitkau ilwarang.
Currently Selected:
Salmos 75: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
