Salmos 74
74
Minit yulwi yulna tawan kidika laihwi yakna atnin
Asaf yulni damni.
1Papang,
¿aisyamta yanarumhta danaman kidika ban kaputkarangyah?
¿Aisyamta man sīpma balna yakat kulnam daukalnamanh?
2Ismangkattah, man tawanma yakat,
tatuna kaupak yakta dunamandai kidika,
laihta yaknamandai man dima atnin;
ismangkattah Sayan asangni yakat yalahnamandai kidika.
3Bahwi uhna sarandis adika aiwa talah;
¡waihla kidika yaklauwi pa holi adika daukalpamna!
4Man waihmala balna kidika minit bayaknamayang atwi unbabauwi man pāma holi yakat;
¡sau ūk planikin kidika duwi uiwi ihilna
5dūr kiwi kawa minit yakat!
Kuh sahyang balna kapat
asangpas papus yakat,
6ki kau, amar kau
bauwi babahna pan kau di yamna balnadai kidika.
7Pāma holi dai kidika kuhkau bubusna;
¡risnipik dis yayamna man ūma kidika,
saukat tuklalakna!
8Bitik maidaukalpamnin yayamna;
¡sauni pas akat pa balna kidika bitik laih bubusna
kidika pāni balna yakat kal-uduhtik ayangma nuhni yamtayangnadai kidika!
9Maisihnidis sainnidai kidika yangna talasyangna;
prapit as bik diski,
kaput bik amanglatasyangna adika dini ban kaput karangpa.
10Papang,
¿mampat kat mawaihkila mai-uswa kidika dadawarangyah?
¿Man yakat dutni mayulwa kidika mampatkat dawarangyah?
11¿Ais yamta maltamanh, tingma parasni nuhni kidika?
¿Ais yamta kalwakaihna sakmanh?
12Sarā mani kaupak, man laih yang kingkiman.
Man, Papang, manas man minit bayaktaman
sau minityakat:
13man parasmakau kuma kidika sahtayaknamandai,#Ex 14:21.
kuma paskau di anyang dudutni balna kidika tunanina yakat sahnamandai,
14Waula#Job 3:8; 41:1; Sal 89:10; 104:26; Is 27:1. tunan kidika atakta labannaman
dawak muihni kidika laih kauhmak wanilang kau nawah balna yakat dianamandai.
15Man lawa kalatangkat was balna kidika burhwi kalahna,
dawak was buhlakwas balna kidika kalatang kat buhlakna.
16Pukta dawak madah kidika laih man dima,
dawak man lawa āta danaman waiku dawak ma kidika bik;#Gn 1:3-18.
17man lawa sau kiwi watwa kung balna kidika ānaman;
man lawa wasma dawak kurih kidika yamnaman.
18Man kulnam yakat dutah Dawan, waihmala balna mauhuswa kidika,
dawak bik muih tapadadas balna kidika man yakat dutni mayuyulwi.
19¡Yangna adika damatkahwinih uba!
Yangna laih sip-awasyangna sihm buhtuku kapat;
¡nawah balna pasyakat yāna-āwinih!
20¡Damatkahwinih man pramamis kidika,
kat adika sauni laih kalbauninmanah banghna bahang sutni kat!
21Taihna muihni kidika datang sau yakat buknin-awas ki;
¡diatangkat ayangma nuhni yayamwang muih minikunni dawak limahni kidika bik!
22¡Papang lawah! ¡Nanitdaktah man yulma kidika!
¡Ismangkattah, tapdadas balna kidika ma-uhuswi laihwatwas palni!
23Waihmala balna sararahwa kidika datang damatkahnin-awas ki,
muih dudutni balna parasni sarahwi baisa yuyulwa kidika.
Currently Selected:
Salmos 74: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
