Salmos 73
73
Minikun talnin lani duwa kidika Papang
Asaf salnimo.
1¡Papang kidika ampus yamniyah Israel karak,
isningna maisihnidis balna karak!
2Baisa apisdai katlaih yang buktitikdai;
kalki kidika atakting karhna dana.
3Kat yang tumnayang amput yamni bararakwa kidika
muih dudutni balna witingna manah kapat kaldakakawa kidika.#Job 21; Jr 12:1-4; Hab 1.
4Witingna kulwi kalbabauwas ki daunin kaiwa kidika,
kat muihnina yamni bahang;
5muih wawauhwa kidika witingna wawauhwas ki
dawak witingna isningna abalhwas ki muih uk balna kapat.
6Kidika bahang witingna manah kapat kaldakakawa kidika laih witingna alahnina
dawak kalbaunin lani kidika laih witingna asninana;
7salalani ki bahang miniknapa kidika alahuiwa kapat ki,
witingna dutni yamnin kukulwa kidika laih manas palni ki.
8Sarahni talnin, witing manah kapat kaldakanin dawak asalninadis
witingna dutni yamnin kukulwi, dawak kalbaunin bik;
9makau kisang niningyakat witingna tūnina kau dutni yuyulwi,
dawak kaput bik tūnina kau sau bitik yakat kikiri.
10Kaput bahang witingna yakat muih balna yaklauwi ayangnina nuhni yayamwi
dawakat witingna yakat di dutni as bik yayakwas ki.#73.10 Kaput bahang...yayakwas ki: kaput wirlana kidika yamni kapat ki. Hibru kau laih amangladaski.
11Yulwi dakakawi: “¿Papang amanglawarang-katpah?
¿Makau sakkidika amanglawarang-katpah?”#Sal 10:4,11; 14:1; 53:1; Job 22:13-14; Is 29:15.
12¡Muih dudutni balna adika talnauh!
Isninglak palni dini balna kidika mahwi.
13¡Kulnik klin dunik kidika laih ilp as diski
dawak tingni kidika klin yamnik di dutni balna bitik kau!
14Kat awar balna bitik yakat yabauna bahang,
dawak mapiris bitik yakat wah yawi.
15Yang, witingna kukulwa kapat kulnayang katlaih,
walamabis balna yakat dutni diyamtitikdai.
16Adika dini amanglanin kulnayang,
kaunah sip-awas dadasni palnidai.
17Papang pāni holi yakat awanayangkat,
amanglanayang, witingna kidika angkat uiwi wawatwarang kidika:
18Pa sulihni yakat muih kidika uita ānaman,
dawak tuktang uiwi daukalnin yakat.
19¡Minit aslah kat didaukalna karang!
¡Muihsak kidika yaklauwi di īna karang!
20Kaunah Dawan man lawama kat muih as kamatuskauna yaklauwakapat,
witing muihni yakat dutni kaltalnaman karang.
21Yang laih tapalhni manah yabung sakyangdai,
dawak ising yakat dalawak dakanayangdai,
22kat tapdadas as amanglatasyangdai bahang;
¡man namangyakat sihm tinglau as kapatyangdai!
23Kaput kaunah, ban mankarak yangdai.
Man tingkipal yakat yalaihnaman,
24man yulma yasumalta yaduyawanaman
witni kat man yaduma reskipik karuk.
25¿Wais kidika dutayahng makau kisang yakat? ¡Man manah ki!
Man karak yang kat, sau yakat di as bik dukih yawas ki.
26Yang muihki bitik laih witwi,
kaunah Papang laih yang diki tingmak ban kaput karang bayakkiwas
dawak witing kuduh ising laihwi duwa kidika.
27Mankaupak naikau kalahwi uiwa balna kidika laih dadauwarang;
man yakat barangni-awas kidika laih dispamma.
28Kaunah yang laih Papang yaihnit yakat yawaki,
kat yang nikingkauh laih kidika di tanit yamniki,
Dawan dawak Papang, man laih yang maldinik panima,
man yamnaman balna bitik kidika laih yang yulnik ki.
Currently Selected:
Salmos 73: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
