Salmos 47
47
Papang laih sau bitik kingni
Coro sumalniyang kaupak. Coré walanibis balna salninamo.
1¡Tingmana tistanauh, tawan balna bitik kau!
¡Yultanauh parasni sarahta alasna ki Papang yakat!
2Kat Dawan makau sakkidika laih yamadangni bahang;
witing laih king nuhni as ki sau bitik minit yakat.
3Tawan balna dawak sau muihni balna kidika bik īna
dawak mayang matruknik duda kidika tururukna.
4Mayang madiki kidika uman yakna sakki,
kidika laih Jacob witing manah kaldakawadai kidika,
dawak kidika yakat dalani talna.
5¡Dawan laih witing yalahnin pāni yakat kilwi yalahna,
alasna duwi sarahna nuhni dawak trumpit bik puhna pasyakat!
6¡Unbautanauh, unbaunin unbautanauh Papang yakat!
¡Unbautanauh, unbaunin kau unbautanauh, makingki yakat!
7¡Yul damni as unbautanauh Papang yakat,
kat witing laih sau bitik kingni bahang!
8¡Papang laih muih balna bitik kingnina!
¡Papang laih witing yalahnin maisihnidis yakat yalahna sakki!
9Muih balna pasyakat, muih ahal as tanit nuhni dikukulna balna kidika
Abraham Papang tawanni pasyakat uiwi kalpakwi aslah kalalahwi,
10kat sau parasni kidika laih Papang kaupak ki.
¡Di bitik minit yakat witing manahki!
Currently Selected:
Salmos 47: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
