Salmos 46
46
Papang mayang karak ki
Coro sumalniyang kaupak. Coré walanibis balna bara kau unbabauna.
1Papang kidika laih mayang mamaldinik pāni, dawak bik mayang maparaski;
mayang ma ilpki makulnik kaida mani balna yakat.
2Kidika bahang yamadudas karang,
sau adika diswarang bik,
dawak asang nunuhni balna kidika kuma tuhni yakat uiwarang bik,
3kuma kidika parasni yulwi dawak nunuhni lalamwarang bik,
asang balna kidika diyukwarang bik kuma anwa kidika yulni.#Is 54:10; Jl 3:16.
4Was tingni as kidika yaklauwi Papang tawanni kidika alasna yakwi,#Ez 47:1-12; Zac 14:8; Rib 22:1-2.
Papang tawan nuhni tanit maisihnidis kidika.
5Papang laih kidika pasyakat sakki,
bahang tingnikau laihwi dulauwarang;
Papang yaklauwi ilp kalawarang mahka ma payahlawakat.
6Muih balna kidika ihiwi; dawak king sauni balna kidika diyukwi;
sau adika pini diswi, parasni yulwa kidika dakawarang kat.
7¡Dawan pasni nuhni duwa kidika mayang karak ki!
¡Jacob Papangni kidika yakat mayang mamaldinik pāni dudi!
8Aiwa di taldas dini kidika talah
Dawan yaklauwi sau akat yamna kidika;
9war kalbaunin kidika dahn yamna
sau bitik yakat;
las balna kidika bitik laih bahna;
dawak sangka balna bik bahwi bikis dana,
¡kalbaunin kārni balna dai kidika kuhpau kau busna!
10“¡Sip-awas alahwanauh!
¡Amanglatanauh, yang laih Papangyang!
¡Yang laih sau muihni balna minitna yakat sakyang!
¡Kaput bik sau bitik minityakat yang sakyang!”
11¡Dawan parasni nuhni duwa kidika mayang karak ki!
¡Jacob Papangni kidika yakat mayang mamaldinik pāni dudi!
Currently Selected:
Salmos 46: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
