Salmos 48
48
Sayan nuhni kulna kidika, Papang tawanni nuhni
Unbauna Coré walanibis balna salnimo.
1¡Dawan laih nuhni ki!
¡Mayang Mapapangki laih witing dini palni ki ayangni nuhni yamnin kidika
witing tawanni nuhni yakat dawak asangni maisihnidis yakat bik!
2¡Ais ampat maluihni yah Sayan asangni kidika,
kutkau tingpal niningkauh kidika!
¡Kidika laih sau bitik alasnina!
¡Kidika laih king nuhni kidika tawanni nuhni!#Mt 5:35.
3Papang laih sakki Jerusalén kau ū nunuhni balna yakat;
Papang yaklauwi niningnakana yakmaldinin pāni tanit yamni as kapat.
4Kaput laih king balna kidika kalududuhna
aslah kalahwi kidika niningyakat yaklalauna;
5kauna tawanni nuhni kidika talwi muihsakdadauna
kulninna abahlwak kikirana.
6Witingna yakat muihsak dilaihna:
didalawak bukwi pipihrna, sihm yal muihbin duwarang kapat;
7makilwa kaupak wing parasni kaiwi Tarsis kumani kuring balna bahwa kapat.
8Mayang Mapapangki tawanni nuhni yakat,
Dawan parasni nuhni duwa kidika,
mayang silp mamikpa kau talnamayang
sihm maiyuyulna dai kapat ki:
¡Papang yaklauwi Jerusalén kidika kalawak ban kaput karang!
9Papang,
man uma pasyakat
kultayangna man dalani lani nuhni dutaman kidika.
10Papang,
sau bitik yakat ayangma nuhni yamnaki
man ayangma yakat kaput yamnin kidika.
Man parasma kau la kat kidika yamtaman.
11¡Sayan asangni kidika alasna duwang!
¡Judá tawanni nunuhni balna kidika alasna duwi susutwang
man la kat duta yamtaman kidika yulni!
12Sayan yaihnit munah lapaktanauh
dawak makau kilwi talna pāni yamna balna duwa kidika kulta talnauh;
13tawanni daklana balna yakat talnauh, dawak uni nunuhni balna yakat bik,
kaput laih manna diyulnamna sipki
sulamana balna kalahwi aiwarang yakat
14mayang Mapapangki laih kaput ki
dawak ban kaput karangki sarandis.
¡Witing laih matakituna duyang nining ban kaput karangki!
Currently Selected:
Salmos 48: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
