Salmos 45
45
Yul damni balna, king yal duwada kidika yulni
Coro balna sumalninayang kaupak, dipulu balna tiunnina kapat. Coré walanibis balna yulnina damni. Unbaunin dalani lani as.
1Yul yaksihni nunuhni yang kulnik yakat kalahwi;
yang tuki adika laih sihm wauhtaya ulyang pinnisil kapat ki.
¡Yang yul damni dutayang adika king yakat yultik kalaki!
2¡Man laih muih ahal pasyakat tanit nuhni yaksihnman!
¡Kulnin laihnin kidika kungmamak munah kalahwi!
Kidika bahang Papang yaklauwi blisyayamna ban kaput atnin.
3¡Isparah kidika bamamak yakat sittah, kulnam dadasni!
¡Yal kidika laih man dimapulu yaksihni!
4Man alasmana kidika laih minit bayakwi ban tanit yakat kiunin
kalbauna atnin di rahm kidika yulni,
dawak muih kulninna limahni balna yakat la kat yamna atnin.#45.4 Muih kulninna limahni balna yakat la kat yamna atnin: kaput ulna kidika yamni kapat ki. Hibru kau laih yulwi limahni lani yamwa kidika.
¡Man tingma palni kidika di nuhni yamwi!
5Tawan balna kidika man kalma dinit yakat bubukwi, king,
man simabang balna kidika subabangni pawi
man waihmala balna isningna yakat.
6Man king āwaman kidika laih Papang, nining ban kaput karangki
kidika laih king kawa lani barangni.
7Yamni kidika dalani talaman, dawak dutni kidika laih dutni talaman.
Kidika bahang Papangma mayakwi duna, man Papangma,
dawak alasna manah mabahngna
man kaltalyang yamni balna dutaman kidika balna karak tanit.#Hib 1:8-9.
8Man asmana balna bitik kidika laih di walapni manah ki, mirra, áloe dawak canela;
unbauwi paswi yakisdinin dini kau
marfil uni nunuhni yakat alasna dutaman.
9Man yaihmatkau sirarau dutaman pasyakat king walanibis sirarau bik bangki;
man yalahtaman tingma palni niningyakat king yal kidika sakki,
gol tanit yamni kau yamna balna kidika alahna sakki.
10Walakibis yal dakah;
yamni talah mayulki kidika:
man wirahma balna dawak wanaihma balna kidika bitik datang damatkahwang,
11kat king laih yaksihnman kidika dukih kalawi;
witing kidika man damawan, bahang yulni dakanam ki.
12Tiro kingni walanibis yal, tawan pasyakat tanit di duyang kidika
kukulwi di prisant mawi kulnam laihnin.
13¡Akat king walanibis yal kidika kaiwi kawi, nuhni yaksihni bitik karak!
¡Witing prakni kau di wayani balna yamna kidika laih gol kau yamna!
14Witing prakni kana kidika laih yaksihni yaringni, kaput laih king muhni yakat duwi uiwi,
dawak sirarau balna duwa kidika laih dangnit yakat uiwi,
witing karak kaltalyang yamni balna kalpakwi uiwa kidika.
15Alasna nuhni karak uiwi;
alasna king uni yakat uiwi kakawi.
16Man walamabis balna kidika king
witingna muihnina bararak balna yalalahwa dai kidika yakat yalalahwarang ki
dawak diyamtangkat tawan yakat tunan kakana karang.
17Yang yamtingkat man ayangma kidika isningkatna karang,
sulani wisam kalalahwa bitik yakat,
dawak tawan kidika ban kaput ayangma nuhni yamna
Currently Selected:
Salmos 45: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
