Salmos 43
43
1Papang laki yamtah;
¡yang ilpki awah, adika muihni man yakat makukulwas balna niningna yakat!
¡Yalaihta yaktah muih dudutni alas yultayang balna kidika kaupak,
2kat man laih yang Papangkiman bahang, dawak bik nakitdakyang man bahang!
¿Ais yamta yangkaupak naikau alahwa yawanamahn?
¿Amput dawak kulnik bukna lik-awakiyah
waihkila balna yatataihwakat?
3Sihtah man yaringma dawak rahmma kidika bik,
kidika balna yaklauwi ta kidika nikingkana atnin
man asangma maisihni dis yakat kiwa tani kidika,
kidika pāni yakat man sakman kidika.
4Kaput laih yawik awaki man kau sakripais buswa pāni yakat, yang Papangki,
kidika yakat man ayangma nuhni yamki paswi yakisdinin dini kau dutik,
kat man, yang Papangki, yang sangkika yakat alasna manah bahngtaman.
5¿Amput dawak kulnik kidika sau yakat bukwarangyah?
¿Amput dawak kulnik abalhwarang yah?
Yang tahanik kidika laih Papang yakat ānayang sakki,
witing yakat baisa ayangni nuhni yamki kidika.
¡Witing kidika laih yang Papangki, dawak laihwi yakyang!
Currently Selected:
Salmos 43: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998