Salmos 26
26
Kulnin maisihnidis niningyakat nanitdaknin kidika
Devid kaupak.
1Dawan, la barangni kau lāki yamtah,
kat yang sangkika kidika laih dutni as bik diski.
Dawan, man yakat parasni rahm makultayang;
2yalaihta talah,
dawak ¡yalaihwi talnin yakat yahata!,
¡kulnik balna kidika yalaihta talah
dawak ising aitayang balna tuhni kidika kaupak bik!#Sal 7:9; 17:3; 139:23.
3Man dalani lani dutaman kidika kulnik yakat dutayang ma bitik yakat
dawak man yakat barangniyang dai;
4wat as bik alas yulyang balna karak kalpaktasyang dai
dawak kulninna dutni duyang balna karak bik kalpaktasyang dai.
5Muih dudutni balna kal-ududuhwa kidika yang dutni talayang;
dawak muih dudutni balna karak bik kalpaktasyang.
6Tingki kidika uman suhna dawak, dutki kaupak maisihnidis alahwanayang,
dukih yawi Dawan, man kau sakripais buswa pāni yaihnit yakat yawinik,
7dawak unbautik man ayangma nuhni yamna atnik,
dawak di taldas balna yamtaman kidika yulna atnik.
8Yang dalani talayang, Dawan, yalahtaman ūni kidika,
dawak man alasmana sakkidika pāni kidik bik.
9Muih dudutni balna karak yalibitwi sangkika kidika dakwinih;
dawak muih iyang balna kaput bik yayamwinih,
10dawak kidika balna tingnina laih
di dutni manah bahngna kidika, dawak taihnin lani karak.
11Kauna yang sangkika laih dutni as bik diski;
¡yalaihta yakta, mikun yatalah yang akat!
12Yang kalki balna kidika laih sau dadasni yamni yakat atakna;
¡dawak Dawan ayangni nuhni yamki, witing tawanni muhni tani yakat!
Currently Selected:
Salmos 26: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
