Salmos 24
24
Alasna Kingni
Devid salnimo.
1Sau nuhni adika bitik laih Dawan dini,
kidika pasyakat di bangkidika bitik laih witing dini,
dawak kidika paskau sangnika duduwa balna yalalahwa kidika bitik.#Sal 50:12; 89:11; 1 Kor 10:26.
2Kat Dawan yaklauwi sau rahni balna adika dungna bahang
kuma minit yakat dawak was murwa balna minit yakat bik.
3¿Wais sipyah Dawan asangni yakat kilna atnin?
¿Dawak wais sipyah witing uni maisihnidis yakat sak-atnin?
4Angdika muihni tingni dawak kulnin bik
maisihnidis, dutni yamwas kidika;#Sal 15:1-2; Is 33:14-16; Mt 5:8.
Papang dauh balna yakat minityulwas kidika
kaput bik alas yuyulwas kidika.
5Dawan, witing Papangni laihwi yakyang kidika yaklauwi
kidika alni yakat yamni kalyamna karang,
dawak witing yakat la kat kidika yamna karang.
6Kaput atnin ki, Dawan yakat wawalwa balna kidika,
Jacob Papangni kaiwang atwi wawalwa balna kidika.
7¡Apahtanauh, dūr ban kaput atnin kidika!
¡Bu apahtanauh,
alasna Kingni kidika kāna karang!
8¿Adika Kingni alasna karak adika waisyah?
¡Adika laih Dawan, parasni dawak bik kulnin dadasni duwi!
¡Kidika laih Dawan, kalbaunin pasyakat kulnin dadasni duwa kidika!
9¡Apahtanauh, ban kaput atnin dūrni kidika!
¡Bu apahtanauh,
alasna Kingni kidika kana karang!
10¿Adika kingni alasna karak adika waisyah?
¡Kidika laih Dawan parasni nuhni duwa kidika ki!
¡Witing laih alasna Kingni!
Currently Selected:
Salmos 24: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
