Salmos 23
23
Dawan man laih yangkarakman
Devid salnimo.
1Dawan laih yang sumalkiyang;#Is 40:11; Jr 31:10; Ez 34:11-16; Jn 10:11.
di as bik dis-awas awaki.
2Yayamwakat, sihr sangni yamni yakat wingkita puhtayang,
was lungni yamni yakat yaduwi kiwi,#Jr 31:9; Ez 34:13-15; Rib 7:17.
3watwi paraski#Is 40:31. wisam yawi
dawak ta barangni yakat yadukiwi,#Pro 4:11-12.
witing ayangni rispik yamwi.
4Sau langni tanit puksani munah bayakki bik,
yamadangni balna kidika as bik yamadutas awaki,
kat Dawan yangkarakman bahang;#Is 9:2; 50:10.
man tulmanah kidika yaklauwi yāwakat man yakat kulnik ātayang.
5Kasnin dini as ridi yamta yānaman
yang waihkila balna miniknapa tāni yakat;
dawak tunaki yakat bik walapni kidika utuhnaman,
dawak sukitak bik utuhtang bangwi utuhwi.
6Minikun talnin dawak dalani talnin lani dutaman kidika yang karak ki
yang maki balna naini pasyakat,
Dawan man ūma yakat ban kaput yalahna awaki.#Sal 27:4.
Currently Selected:
Salmos 23: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
