Salmos 21
21
Makatyulna as minit bayaknin kidika yulni
Coro sumalniyang kaupak, Devid salnimo
1Dawan,
king kidika alasna ki kat man lawa parasni kalanaman bahang;
¡uba alasna ki kat man lawa minit bayaknin kidika kalanaman bahang!
2Dukih kalawa kidika yakat yamnaman;
yulna balna kidika kalatas awasman dai.
3Blisin nuhni bik kalanaman dai,
dawak paknin kidika gol kat paknaman.
4Sangnika kidika yulna dawak kalanaman dai:
sangnika naini dawak yamni.
5Tingkih man ilpma kidika, nuhni ki man parasma kidika;
kalanaman ayangni nuhni yamnin dawak bik risnipik bik.
6Man blisyamnaman ban kaput atnin;
man yaihnit yakat aiwaman kidika yulni alasna manah kalyaktaman.
7King, man laih wat-as bik buktas awama,
kat Dawan yakat kalkultaman bahang;
¡makau sakkidika dalani lani duwa kidika yakat kultaman bahang!
8Man parasma kidika waihmala balna bitik yakat dilaihna karang;
tingma palni kidika dilaihna karang man yakat dutni makukulwa balna kidika;
9kubus dahlna daihni kidika yakat di-āna karang,
witing la yamna kaiwarang yakat.
Dawan kulnin daukalna kidika yaklauwi kuhkau buswi disyamwarang.
10Sau kaupak usta yakmukma dawak muih balna paskaupak bik,
sulani balna bitik kau kaput yamma.
11Dutni mayamnin kulwi ridi kakalwarang bik,
witingna kukulwa yakat kalahwas karangki.
12man lawa diyamtang kalahwi kikirarang ki,
simabang kidika witingna minitna yakat yutang kat.
13¡Lawah Dawan man parasma karak!
¡Man minit bayaknaman kidika lawana unbaudi alasna yamdarang!
Currently Selected:
Salmos 21: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
