Salmos 20
20
Makat yulnin as minit bayakna kidika yulni
Coro sumalniyang kaupak, Devid salnimo.
1Dawan madakana karang, mampat kulnam kidika kaidakat;
Jacob Papangni kidika namatdakwang.
2Ilpni kidika masihna karang Sayan kaupak.
3Minitdis dini kalataman dai kidika bitik isningkatwang,
kaput bik sakripais busnin pāni kau ilwi buswa kidika yamni talna karang.
4Dukih mawa kidika bitik yamna karang,
kaput bik yamnin balna dutaman kidika bitik laih kaput yamna karang.
5Kaput laih man minit bayakna man kidika alasnina yamdarang,
kaput bik laih plakin kidika dulaudarang mayang Mapapangki ayangni kau.
¡Dawan yaklauwi yulnaman balna kidika bitik kaput yamna karang!
6Yang yamni amanglatayang,
Dawan yaklauwi witing kingni āna yakat minit bayaknin kidika kalana karang;
kaput bik laih witing makau kinisang kidika maisihni dis kidika kaupak nangnitlana karang,
minitbayaknin nuhni kidika kalawarang witing parasni kau.
7Buas laih kalbaunin kārni duduwa yakat kukulwi,
dawak ūk balna laih aninaras balna yakat kukulwi;
kaunah mayang laih Mapapangki Dawan yakat kuldi.#Sal 33:16-17; Pro 21:31; Os 1:7.
8Kidika balna yakat witingna limbabahwi bubukwi,
kauna mayang laih makalki kau parasni malawi.
9Dawan, ¡kalata, minitbayaknin kidika king yakat!
¡Mayultining kat manangkitlatah!
Currently Selected:
Salmos 20: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
