Nehemías 10
10
1Adika muihni balna ayangnina uhulna dai, pramis yayamna wauhnitaya yakat: Yang, Nehemías, Hacalías walanibis kabamint yang dai kidika; Sedequías, 2Seraías, Azarías, Jeremías, 3Pasur, Amarías, Malquías, 4Hatus, Sebanías, Maluc, 5Harim, Meremot, Obadías, 6Daniel, Ginetón, Baruc, 7Mesulam, Abías, Mijamín, 8Maazías, Bilgai dawak Semaías. Adika balna laih witingna sumalyang nunuhni dai.
9Libait balna: Josué, Azanías walanibis, Binuy, Henadad sulani, dawak Cadmiel; 10dawak wirahni balna, Sebanías, Hodías, Kelita, Pelaías, Hanán, 11Micaía, Rehob, Hasabías, 12Zacur, Serebías, Sebanías, 13Hodías, Bani dawak Beninu.
14Muih balna taninatuna: Paros, Pahat-moab, Elam, Zatu, Bani, 15Buni, Azgad, Bebai, 16Adonías, Bigvai, Adín, 17Ater, Ezequías, Azur, 18Hodías, Hasum, Bezai, 19Harif, Anatot, Nebai, 20Magpías, Mesulam, Hezir, 21Mesezabeel, Sadoc, Jadúa, 22Pelatías, Hanán, Anaías, 23Oseas, Hananías, Hasub, 24Halohes, Pilha, Sobec, 25Rehum, Hasabna, Maasías, 26Ahías, Hanán, Anán, 27Maluc, Harim dawak Baana.
Pramis ūk yamna tawan yaklauwi Papang niningyakat
28Tawan muihni ūk balna kidika laih, yuldarangkat, sumalyang balna, libait balna, dūr maintalyang balna, unbauyang balna makatyulnin ūni kau wark yamyang balna, dawak ūk balna witingna kaldakkalalahna dai#Esd 6:21; Neh 9:2; 13:3. kidika sauni muihni balna karak, Papang kulnin lani kat yamnin yulni, witingna yalnina balna, walaninabis balna uman, kulninna yakat yul kulwi tatalwa balna karak, yayal dawak ahal, 29aslah kalalahna, wanaihnina balna dawak, taninatuna balna karak dawak, witingna yaklauwi Papang ayangni kau pramis yayamna, Papang lani Moisés yakat kalana dai kidika kat kiuna atnin, dawak, yamna atnin ais yulwa yakat maDakiwan lani balna kidika. 30Kaput bahang, mawalakibis yayal kidika ahal diadas karang, adika sauni muihni balna yakat, kaput bik walaninabis yayal balna kidika mawalakibis ahal karak kalduduwas karang.#Ex 34:16; Dt 7:3. 31Dawak adika sauni muihni balna aiwarangkat, yak-urupdinin mani ,#Ex 20:8. yakat, witingna di minik yayakna balna kidika wauhwi bakanna atnin, mayang dinina bakandas mawarang, yak-urupdinin mani, dawak, ma ūk karang bik alasna mani, kaput bik laih di minik#Ex 23:10-11; Lv 25:1-7. balna kidika dudas karang dawak, mayang dunin#Dt 15:1-2. (tras) dai kidika bik dādak diswarang.
32Kaput bik mayang silp kulnamayang, kurih kaiwa balna bitik yakat lalah gramos arungka kalana atnin, mayang ma Papangki ūni yakat yusyamna atnin yulni:#Ex 30:11-16; 2 Cr 24:6-9; Mt 17:24. 33plawar busna, Papang muhni yakat lakwa kidika,#Ex 25:30; Lv 24:5-8. kaput bik ma bitik yakat di minik duaiwa kidika minitdis dini dawak sakripais buswa kidika ma bitik yakat, kaput bik sakripais ūk yamwa kidika, yak-urupdinin mani yakat, waiku wisam mani yakat, dawakat alasna mani balna ūk duduwa dai kidika, kaput bik minitdis kalanin dini muih bitik yayamwa dai kidika, dutnidis danin yulni sakripais buswa dai kidika, Israel dutni yamwa yulni, dawak makatyulnin yayamwa bitik Papang ūni yakat.
34Baisa kidika minit yakat, sumalyang balna, libait balna, dawak muih balna bitik, dawak yangna wanaihkina balna kidika mahni ampus kat, dawak suerte laktik talnayangna, kuh dukiuna atnin kidika kurih balna kaiwa bitik yakat, Papang ūni yakat, sakripais busnin mani balna ana kidika, Mapapangki Dawan pāni, sakripais bubuswa yakat, dawak la yakat ulna kaput.#Lv 6:12; Neh 13:31. 35Kaput bik yulna mayang, kurih bitik yakat, di minik balna tatuna kalahwa kidika, Dawan ūni yakat dukiuna atnin, dawak pan minik#Ex 23:19; 34:26; Dt 26:2. kalahwa balna kidika bik, 36dawak kaput bik, Papang ūni yakat dukiuna atnin mawalakibis tatuna balna kidika, dawak turuh walanibis tatuna yayakwa balna kidika bik, sīp balna bik, la yakat ulna kaput,#Ex 13:2,11-15. sumalyang balna makatyulnin ūni yakat di yayamwa balna muhnina tani yakat. 37Kaput bik laih yangna yulnayangna, Papang ūni kau di uiwi pupuwa yakat uitik āna atnikna, sumalyang balna dinina, plawar minik tatuna kalahwa kidika, dawak pan minik tatuna yakwa balna kidika, wain wasni tatuna yakwa kidika, disala bik, libait balna yakat diana atnin, sahyakna salap, di minik#Lv 27:30; Nm 18:21. yakda balna bitik, kat witingna yaklauwi di dahna pāni balna bitik yakat uiwi sahyakna salap kidika yayakwa bahang.
38Libait balna, sahyakna salap kidika yakna uiwarang yakat, sumalyang as Aarón sulani kat kalpakwi uiwarang ki. Usnit kat libait balna yaklauwi duwi uiwarang Papang ūni yakat, sahyakna salap yayakna kidika kaupak watwi sahyakna salap#Nm 18:26. as yakwi, 39kat Israel balna, dawak libait balna witingna laih duwi uiwi plawar minik, wain dawak disala, di pupuwa ūni yakat, bahang kidika yakat laih Papang yakat di kalalana kidika bangki, dawak sumalyang wark kalahyang balna, dūr maintalyang balna, unbauyang balna. Dawak yangna pramis yamnayangna, Papang ūni kidika ruhmwi danin-awas.
Currently Selected:
Nehemías 10: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
