Nehemías 11
11
Jerusalén muihni balna
(1 Cr 9:1-34)
1Tawan wihnita balna kidika Jerusalén yakat panina duduna; dawak tawan muihni balna kidika suerte ruhmwi tatalna, ū salap kaupak muih as as kalahwi, Jerusalén tawanni maisihnidis yakat kiwi yalahna atnin yulni, dawak ū tiaskauarungka kidika tawan ūk balna yakat yalahna atnin. 2Usnit kat, tawan yaklauwi blisyamna angdika muihni balna, witingna silp kulninna Jerusalén yakat watwi yalahnin kukulwa balna yakat.
3Kidika kaupak tanityakat, tunan muihni balna watwi saunina yakat nawatwi Jerusalén yakat ūnina duduna kidika. Judá tawanni nunuhni balna yakat wawatna, Israel balna, sumalyang balna, libait balna, makatyulnin ūni yakat wark kalahyang balna, dawak Salomón dini yamyang balna sulanina, witingna bitik tawannina kat kat, dawak saunina kat duduna dai.
4Judá sulani balna, dawak Benjamín sulani balna buas Jerusalén#1 Cr 9:2; Neh 7:73. yakat yalalahna kidika, Judá sulani balna: Ataías laih, Uzías walanibis al dai, dawak Uzías laih Zacarías walanibis al, dawak Zacarías laih Amarías walanibis al, dawak Amarías laih Sefatías walanibis al, dawak Sefatías laih Mahalaleel walanibis al, Fares sulani; 5dawak Maasías laih Baruc walanibis al dai, dawak Baruc laih Colhoze walanibis al dai, dawak Colhoze laih Hazaías walanibis dai, dawak Hazaías laih Adías walanibis al dai, dawak Adías laih Joiarib walanibis al, dawak Joiarib laih Zacarías walanibis, dawak Zacarías laih Siloni walanibis al dai. 6Fares sulani balna bitik watwi Jerusalén yakat yalalahna kidika laih, andat arungka minitkau muihasluih bās, minitkau salap, minitkau tiaskaubās. Kidika ahalni balna bitik kidika laih war kalbauyang muihni balna dai.
7Dawak Benjamín sulani balna laih: Salú, witing laih Mesulam walanibis al dai, dawak Mesulam laih Joed walanibis al dai, dawak Joed laih Pedaías walanibis al dai, dawak Pedaías laih Colaías walanibis al dai, Maasías walanibis al dai, dawak Maasías laih Itiel walanibis al dai, dawak Itiel laih Jesaías walanibis al dai; 8dawak wirahni ahal#11.8 Dawak wirahni ahal: grik kau laih kaput ulna. Hibru kau laih yulwi witing kaupak usnit kidika. balna Gabai dawak Salai. Witingna bitik kat: andat tiaskauarungka, minitkau, muihasluih arungka, minitkau salap, minitkau tiaskaubās. 9Witingna taninatuna laih Joel dai, Zicri walanibis; dawak Judá laih Senúa walanibis, witing kidika laih, tunan muihni tatuna kaupak usnit kidika witing dai, tawan nuhni pasyakat.
10Sumalyang balna: Jedaías, witing laih Joiarib walanibis dai, Jaquín, 11dawak Seraías, witing laih Hilcías walanibis, dawak Hilcías laih Mesulam walanibis, dawak Mesulam laih Sadoc walanibis, dawak Sadoc laih Meraiot walanibis, dawak Meraiot laih Ahitob walanibis, witing kidika laih, Papang ūni yakat tunan nuhni palni dai. 12Dawak kaltalyang balna, makatyulnin ūni yakat wark kalalahwa dai kidika, andat tiaskaubās minit kau muihasluih, minitkau tiaskaubu dai, dawak Adaías, Jeroham kidika Pelaías walanibis dai, dawak Pelaías kidika Amsi walanibis dai, dawak Amsi kidika Zacarías walanibis dai, dawak Zacarías kidika laih Pasur walanibis, dawak Pasur laih Malquías walanibis. 13Witing wanaihni balna, ū tunan muihni balna bitik kat andat bu minitkau muihasluih bu, minitkau bu dai; dawak Amasai laih Azareel walanibis, dawak Azareel laih Azai walanibis dai, dawak Azai laih Mesilemot walanibis, dawak Mesilemot laih Imer walanibis. walanibis al. 14Witing wanaihni balna kidika laih war kalbauyang muihni balna dai, bitik kat, andat as minitkau muihasluih, minitkau tiaskaubās dai, dawak tanituna laih Zabdiel Gedolim walanibis dai.
15Libait balna: Semaías, witing laih Hasub walanibis dai, dawak Hasub laih Azricam walanibis, dawak Azricam laih Hasabías walanibis, dawak Hasabías laih Buni walanibis dai; 16Sabetai dawak Jozabad, witingna laih libait balna taninatuna dai bahang witingna laih, Papang ūni kaupak ahnikau wark balna kidika tunan duduwa dai; 17Matanías laih Micaía walanibis al dai, dawak Micaía laih Zabdi walanibis dai, dawak Zabdi laih Asaf walanibis dai, bahang witing laih unbauyang balna taninatuna dai, tingkih yulwi makatyuyulwa-mani balna yakat unbabauwa dai; Bacbuquías, witinglaih kalwanaih balna pasyakat, tatuna kaupak usnit kidika laih witing dai, dawak Abda laih Samúa walanibis dai, dawak Samúa laih Galal walanibis dai, dawak Galal laih Jedutún walanibis dai. 18Libait balna bitik, tawan nuhni maisihnidis yakat wawatna kidika laih andat bu, minitkau muihasluih arungka, minitkau arungka dai.
19Dūr maintalyang balna: Acub, Talmón dawak wanaihni balna dūr maintalwa kidika bitik kat, andat as minitkau muihasluih bās, minitkau salap minitkau bu.
20Israel as balna bitik kidika, dawak sumalyang balna, libait balna kidika laih Judá pāni kau tawan ūk balna yakat panina duduna dai, dawak bitik laih saunina duduna dai; 21makatyulnin ūni yakat wark kalahyang balna kidika taninatuna laih, Ziha dawak Gispa dai, bahang witingna laih panina duduna dai, Ofel yakat.
22Jerusalén yakat, libait balna taninatuna laih Uzi dai, witing laih Bani walanibis dai, dawak Bani laih Hasabías walanibis, dawak Hasabías laih Matanías walanibis, dawak Matanías laih Micaía walanibis dai, dawak Micaía laih Asaf walanibis dai bahang witingna laih unbaunin balna kidika tunan duduwa dai Papang ūni yakat. 23Kat king yaklauwi dipakna dai ma bitik yakat unbauyang warknina kidika.
24Wark ais ais balna yamnin kat king muhni yakat dukiwa kidika laih Petaías dai, Mesezabeel walanibis, dawak witing laih Zera sulani dai, Judá sauni kaupak.
Jerusalén, kidika kaupak pa ūk tawan yayamna dai kidika
25Judá muihni balna buas Quiriat-arba yakat wawatna dai kidika, Dibón, Jecabseel, 26Josué, Molada, Bet-pelet, 27Hazar-sual, Beerseba, 28Siclag, Mecona, 29En-rimón, Zora, Jarmut, 30Zanoa, Adulam, Laquis dawak Azeca, witingna tawanninabin bik duduwa dai, dawak saunina bik. Beerseba kaupak panina duduna dai, Hinom sauni langni kat. 31Dawak Benjamín muihni balna laih Geba yakat panina duduna dai, dawak Micmas, Aía, Betel dawak tawannina binina kidika bik; 32Anatot yakat bik, Nob, Ananías, 33Hazor, Ramá, Gitaim, 34Hadid, Seboim, Nebalat, 35Lod, Ono, dawak di yamyang balna saunina langnikat. 36Baisa minit yakat, libait balna as as, sau diayana dai, Judá dawak Benjamín sauni pasyakat.
Currently Selected:
Nehemías 11: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
