Lamentaciones 3
3
Kaidana bās
1Yang kuduh dalani wauhninamanglanayang kidika
Dawan kulnin daukalna kau bauwa kidika.
2Puksani pāni yakat yaduwi kiuna,
ta yaringni dis kidika munahyāwak lapaknayang;#Job 19:8.
3wat wat, awar balna bitik yakat,
tingma kidika kaiwi bukwi mikityakat.#Job 7:16-19; Sal 88:7,15-16.
4Yang muihki, ukitak adika muihbarak kalna,
wakalki balna bitik ruputwi kalahna;#Job 7:5; 30:30.
5yaihkit awaih yak dulauna
daklana tapahlni asdawak wauhnin balna bik;#Job 19:12.
6yayamwak puksani yakat yalahtayang,
dadauna balna ma mahni bayakwa kapat.#Sal 88:5-6; 143:3.
7Daklana as kalahnin sip awas yakatyahana;#Job 3:23; 19:8.
sin tikini karak yasitwi yawarauna;
8sarahtik ilp yulnayang bik,
kalni dinit yakat buktik yulnayang bik,yadakawasdai;#Job 30:20.
9kipala kau tilawi ilwi takitdakna,
¡taki balna kidika satuk kalna dai!
10Witing laih yang nikingyakat
layan as yakmaldana kapat dai,#Job 10:16; 16:9.
sihm dangkatakalbas as yalaihnin manah kapat.
11Ta kaupak naikau yayakna,
dawak yaiswi bisna,
¡muihsak manah yabahngilna!
12¡Lasni kidika iswi niking yakat yuna,
sinibang kidika, barangni yang yakatyabasna atnin!
13Dawan yaklauwi sibang ruhmna kidika
muihki pasyakau yapana.#Job 16:12-13.
14Tawanki muihni balna bitik kidika
yang kau sarahni yatatalwi;
awar balna bitik yakat yang akatsarahni yatatalwi.#Dt 28:37; Job 30:9; Sal 69:10-12; Jr 20:7.
15Dawan yaklauwi tapahlni manah yabangna;
dinik yana kidika laih tapahlni palni ki.#Job 9:18.
16Yayamwakat, anaki kidika sau katbaunayang;
yayamwakat sau yahamni kidika kasnayang.
17Kulnin aslah lani kidika
yang kaupak naikau kalahwi kiuna
dawak alasna isninglak atnin kidikabik dikitkahna.
18Yang kulnayang dauna
Dawan yakat tahanin lani dutayang dai kidika.#Job 17:15-16; 19:9-10; 30:19.
19Isingkattayang kulnik bukna
dawak bik alasnayang kidika,
tapahlni dutayang kidika
dawak wauhtayang kidika bik;
20kidika yakat kultayang
kat kulnik yaklauwa kidika sau katkiwi bukwi.
21Kaunah di as kidika ban duta atnikkultayang
dawak kidika yakat yang tahanik lani kidikaduta atnik:
22Dawan dalani lani duwa kidikalaih dahnkalwas ki,
dawak minikun talnin lani kidikabik dahnkalwas ki.
23Mapiris kaiwa balna bitik yakatwisam yamwi;
¡witing barangni kidikaampus nuhniyah!#Ex 34:6-7; Sal 136.
24Dawak yayulna:
¡Dawan kidika manah ki yang dutayang kidika;
kidika bahang witing yakat kulnik atik dutayang!#Sal 16:5; 119:57.
25Dawan laih yamni ki,
wais witing yakat kulnin awi duwa kidika,
dawak witing yakat bik kalwalwi uiwa kidika.#Is 30:18.
26Tanit yamni ki, ap dawi tahanin kidika
dawak Dawan yaklauwi ilp mayana atnin.
27Tanit yamni ki muih al kidika
dinit yakat bukwarang kat
wahma kalwa kaupak.
28Muih al kidika laih alas watwiap sak atnin ki,
Dawan yaklau pakwa kat;
29kulnin sau yakat buknin ki,
dawak bik sau yakat umnin ki,
baisa tahanin lani kidika sakkarang kat;
30tiswa muihni kidika yakat kalawakmuhni tisnin ki,
dawak kaluswa muihni kidika yaklaukasak usnin ki.#Mt 5:39.
31Dawan laih mairuhmwi dawas karang kiban kaput atnin yakat.
32Yamwak wawauhwi kaunah watwiminiknakun talwi,
kat witing dalani talwa kidika laihnuhni palni bahang.#Sal 30:5; Is 54:7-8; 60:10.
33Rahm palni kidika laih,
diawak muih kulninna buknin kidika
dawak muih ahal yakat diawak
dalani wauhnin kidika bik dukih kalawas ki.
34Minikun talwas kalkau ataknin kidika
kidika sauni muihni silak muihni balna yakat,
35muih rahmni kalawas atnin kidika
Papang muhni palni yakat,
36lā kat yamwas kidika
Dawan yaklau dutni yakat wirlana ki.
37Di as yulwakat, kidika laihdi as kalahwi,
kat kidika laih Dawan yaklauwikaput pakna bahang.
38Di yayamni balna dawak dudutni balna kapat
kidika aiwi kat, Papang yaklauwikaput yamwa bahang.#Job 2:10; Is 45:7.
39Muih al kidika di dutni yamyang as kikaunah,
¿ais yamwi dutni dakawi yulwihadika sangnika akat?
40Mayang yamni palni laihdi taldang
makulnik di yamda balna kidika,
dawak watdi Dawan yakat nawatdi mawang.
41Papang kisang kau yakat mailmawang
mayang makulnik dawakmamikit yulda kidika kau.
42Mayang dutni yamnamayang,
makulnik bik anyang dai,
dawak man dutni kidika datang diswasdai.#Is 55:7.
43Kulnam daukalna kau yana awaihtadaknaman dai,
yana uinaman,
¡sangkinaka daknaman, wat wat bik talas!
44Mukus yakat kalwadatnaman
kalma dinit yakat buktik yultayangnakidika dakana atnin awas.
45Di dutni bubuh as kapat yanayamnaman
muih balna bitik muhnina yakat.
46Yangna waihkinala balna bitik
yangna nikingnakauh tininapas wakakahwi;
47yamadunin, mailaihnin dini, bahwidis yamnin
¡kidika balna kuduh mailaihna kidika!
48Mikpa kaupak was kapat kirimikwas kidika
yang tawanki nuhni dalani talayang kidika, daukalwa kidik.#Jr 9:1; Lm 2:11.
49Mikpa balna kidika dakadi, laihwatwaski,
kat yamni kalahwak dakanin kidika laih diski
50kisang kau Dawan kidika
mayakaupak maitalwarang kat.
51Mikpa balna kidika dalawi solki kat,
yang tawanki nuhni walanibis balna yakatdikalahna kidika kulting kat.
52Pini di as dis kaupak
waihkila balna kidika yalaihwi yaihinauhubin as kapat;
53sangka palni pa kuhrna yakatyahawi yanununa,
dawak kipala kau pāni kungmak yakatpuputna.
54Was kidika bitik palni laihyasuruhmlakna ki,
dawak yang kulnayang: “Yang laih disnayang.”#Jon 2:3-6.
55Yang, Dawan, man ayangma yultayang
pa kudungni tanit dutni kidika kaupak:#Sal 130:1-2.
56yang dikit yultayang kidika dakanaman;
dawak yang kalma dinit buktik yultayang kidikadaka yamtas laih awas man.
57Angdika mani yulting kat, yang yakat aiwama,
dawak yayultaman: “Yamaduwinih.”
58Man nakitdaktaman Dawan, kalbautayang kidika yakat,
man sangkika kidika laihta yaktaman.
59Dawan, man talaman, lā kat awas kidika yulni,
¡lā kat kidika yamtah yang akat!
60Man talaman, dukih diawa kidika, biriwi yamnin
yang nikingkauh yamnin yulniridi kakalwa kidika.
61Dawan dakah, muih uhuswa kidika
yang nikingkauh yamnin ridi kalalahwa kidika;
62waihkila balna yul mahni yuyulwa kidika,
awar bitik yakat nikingkauh manah yuyulwi.
63¡Talah witingna di balna yayamwabitik kidika yakat
yang akat sarahni yayamwi!
64Dawan, witingna minitna diatah,
witingna ais yayamna kidikakaput minitna diatah.
65Witingna di amanglanin kidikadadasni yamtah,
blisin dutni kidika witingna minitna yakat diatah.
66Dawan, diuita yawah, annam parasni kidika karuk,
¡yamtang kat adika sauni kaupak didiswang!
Currently Selected:
Lamentaciones 3: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
