Josué 15
15
Judá sauni
1Judá sulani dakni muihni balna yak saunina kau duduna kidika Edom sauni lainni yakat dai dawak wadah nining yak laih Zin wanilang kauhnimak kat dai. 2Kidika nining yakat sauni lainni dakwa kidika Kuma Dauna yaihnit kat dai, 3usnit yakat kiwadai Acrabim asangni launi wadah nining kat Zin wanilang kauhmak munah bayakwi dawak Cades-barnea wadah nining kat; usnit yakat ban kiuna Hezrón kat, Adar munah kilkalahwi bayakwadai dawi Carca munah bayakwa dai, 4yakaupak bayakwi Asmón kat kiuna, adika munah Egipto wasni bin yak kalahna atnikna yulni dawak kiuna Mediterráneo kumani kat dahn kalahna atnin. Adika kidi wadah nining yak sauni pīsni dai. 5Makilwa nining yakat sauni laih Kuma Dauna kaupak Jordán wasnisah kat dai. Kaupak tingpal sauni lainni kawa dai, 6Bet-hogla yakat kilwi dawak Bet-arabá tingpal munah bayakwa dai dawak yakaupak Bohán Ben-Rubén kinipala nuhni dai; 7yakaupak Acor Debir sauni langni yakat kilwadai dawak nawatwi awaihwi kaiwadai Gilgal kat, yakat kuduh Adumín asangni launi muhnit palni yakat ki was wakahrni wadah nining yakat; usnit yakat sauni lainni kidika En-semes wasni tuna munah bayakwa dai dawak ban kiwi En-rogel kat kiwi kana dai; 8bahang Ben-hinom sauni langni munah bayakna, Jebús asangni launi wadah nining munah, yuldarang kat Jerusalén; usnit yakat Hinom sauni langni ma kawa niningkau asang nuhni sak yakat kilwi dawak Refaim sauni langni tingpal nining yakat, 9asangni tuna awaihwi yaklawi dawi Neftoa wasni pāni kat, dawak usnit kidika Efrón asangni tawanni balna kat, dawi Baala munah bayakwinih, sihm kaput kal yulwi Quiriat-jearim. 10Baala kaupak sauni lainni kidika laih nawatwi kaiwi Seir asangni ma kawa niningyakat, Quesalón munah bayakwi Jearim asangni tingpal nining yaihnit munah, usnit yakat Bet-semes kat yaklauwa atnin dawak Timna munah bayakna atnin. 11Dawak Ecrón tingpal nining asangni munah Sicrón kat awaihwi kiuna atnin, Baala asangni munah bayakwi dawak Jabneel kat kalahwi Mediterráneo kumani kat dahn yamna atnin. 12Las yakat ma kawa nining yak sauni kidika kuduh Mediterráneo kumani yakat dai adika sauni lainni balna kidika Judá sulani balna yak diana dai, dawak witing sulani balna manah sahwi yakwi duduwa dai.
Caleb kawi duna Hebrón dawak Debir
(Jue 1:10-15)
13Josué yaklauwi Jefone walanibis Caleb yakat Judá sauni pis apis kalana. Dawan yaklauwi kalana munah, Quiriat-arba kidika kalana, yuldarang kat Hebrón, Anac sulani balna tawanni nuhni palni dai kidika.#15.13 Anac sulani balna tawanni nuhni palni dai kidika: grik kau ulna kidika laih kaput yulwi. Hibru kau laih Anac papangni. 14Caleb yakaupak Anac sulani balna dai kidika uswi yakmukna kidika ayangni balna Sesai Ahimán dawak Talmai.#Jue 1:20. 15Usnit yakat kiwadai Debir kau yalahwa bang niningna yak kidika balna tanit mani kau ayangni Quiriat-sefer dai, 16dawak aput yulna: “Wais kidika adika tawanni uswi dakyakwi kaiwarang kat yang walakibis yal Acsa kidika yalni yamna awaki.”
17Kidika tawanni kawi duna kidika witing aniwalas Otoniel dai, dawak Cenaz walanbis dawak Caleb yaklau walanibis Acsa kidi witing yalni kalawadai. 18Mahka ūnina kau kalahwi uiwarang ban yak, Otoniel yaklau Acsa kulnin laihna#15.18 Otoniel yaklau Acsa yakat kulnin laihna: ulna umani balna kidika laih kaput yulwi. Hibru kau laih Acsa yaklau Otoniel yakat kulnin laihna. papangni yakat di dahnin sauni yulna atnin. Kaput dawak witing aniras kaupak yaklakwi dawak Caleb yaklau yulwi dakawa dai:
—¿Ais as mawih?
19—Yang man kaupak ilp as yultayang —yal kidika nangnitlana—. Uman Néguev kauhmak wanilang yakat sauni yanaman, bahang was tuna balna bik yatah.
Dawak witing yaklauwi watuna tang niningkauh, dawak parah niningkauh kidika balna bik kalana.
Judá sulani tawanni nunuhni balna
20Adika balna dai Judá sulani balna yamnin duduwa dai; dawak sulani balna sahwi yakwi duduna tawannina ampus yalahwa dai kaput praisni kau. 21Tawan balna witingna yak diana dai kidika wadah nining saitni yak, Edom sauni lainni yak dai kidika adika balna ki: Cabseel, Edar, Jagur, 22Cina, Dimona, Adada, 23Cedes, Hazor, Itnán, 24Zif, Telem, Bealot, 25Hazor-hadata, Queriot, Hezrón (sin kidika bik ayangni Hazor), 26Amam, Sema, Molada, 27Hazar-gada, Hesmón, Bet-petet, 28Hazar-sual, Beerseba, Bizotia, 29Baala, Iim, Esem, 30Eltolad, Quesil, Horma, 31Siclag, Madmana, Sansana, 32Lebaot, Silhim dawak En-rimón.#15.32 En-rimón: ulna kidika laih kaput kapat ulna, Neh 11:29 dawak grik ulna yakat. Hibru kau laih dawak Aín dawi Rimón. Bitik kat tawan 29 dai pa binina karak.
33Walang yakat laih adika tawanni balna duduna: Estaol, Zora, Asena, 34Zanoa, En-ganim, Tapa, Enam, 35Jarmut, Adulam, Soco, Azeca, 36Saaraim, Aditaim, Gedera dawak Gederotaim yulnin kat tawan binina bitik kat tawan 14 dai.
37Zenán, Hadasa, Migdal-gad, 38Dileán, Mizpa, Jocteel, 39Laquis, Boscat, Eglón, 40Cabón, Lahmam, Quitlis, 41Gederot, Bet-dagón Naama dawak Maceda kidika balna tawan 16 dai pāni binina karak.
42Tawan nunuhni balna kidika Libna, Eter, Asán, 43Jifta, Asena, Nezib, 44Keila, Aczib dawak Maresa, yuldarang kat bitik kat tawan nunuhni tiaskauarungka.
45Tawan nunuhni balna Ecrón tawanni binina dawak pāni binina, 46dawak Ecrón kidika kuma kat Asdod sauni yaihnit bitik, tawan binina bitik kau.
47Asdod tawanni nuhni kidika tawanni binina dawak pāni binina, dawak Gaza tawanni nuhni kidika dawak tawanni binina, pāni binina dawak Egipto wasni binina kat, dawak bik Mediterráneo kumani kiwi watwa kat.
48Asangpas sauni pīsni yakat tawanni balna kidika Judá sulani yak aput diana dai: Samir, Jatir, Soco, 49Dana, Quiriat-sana (kidika ayangni aput bik Debir), 50Anab, Estemoa, Anim, 51Gosén, Holón dawak Gilo, yulnin kat tawan nunuhni 11 kidika yaihnit kau tawanni binina balna bitik karak.
52Tawan nunuhni balna Arab, Duma, Esán, 53Janum, Bet-tapa, Afeca, 54Humta, Quiriat-arba (kidika bik ayangni Hebrón), dawak Sior, yuldarang kat tawanni bitik kat tawan tiaskauarungka ki.
55Tawan nunuhni balna Maón, Carmel, Zif, Juta, 56Jezreel, Jocdeam, Zanoa, 57Caín, Gabaa dawak Timna, yuldarang kat panina bitik kat tawan nunuhni salap ki.
58Tawan nunuhni balna Halhul, Bet-sur, Gedor, 59Maarat, Bet-anot, dawak Eltecón, yuldarang kat pāni binina bitik kat tawan nunuhni tiaskauas ki.
60Tawan nunuhni balna Quiriat-baal, sihm kaput bik ayangni Quiriat-jearim dawak Rabá tawanni bin karak.
61Kidika kauhmak sauni laih adika tawanni balna dia yang Bet-arabá, Midín, Secaca, 62Nibsán, kuma tawanni,#15.62 Walwi amanglanin yulna ki wisam Qumrán kidik awaskat Ain Fesja pani balna daukakalna yakat, kidika balna pani kaupak ma kilwa niningkauh yakat, Kuma Dauna kung yakat. dawak Engadi, yuldarang kat tawan nunuhni tiaskauas ki pāni binina karak.
63Judá sulani balna kidika sip kangwi yakwas dadana jebuseo balna Jerusalén kau bang dai kidika; kidika bahang warmani kat ban Jerusalén balna yalalahwi Judá sulani balna karak.#Jue 1:21; 2 Sam 5:6; 1 Cr 11:4.
Currently Selected:
Josué 15: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
