Josué 16
16
José sulani balna Efraín dawak Manasés saunina
1José sulani balna munah saunina diana dai kidika kuduh Jordán wasni ma kilwa nining kaupak tunan balna dai, kidika Jericó wasni balna nining yak, dawak kidi niningyak kiuna, kidika kidi Jericó asangni kaupak asang pa kiwa kidi Betel saitni yak. 2Betel kaupak, yuldarang kat Luz,#16.2 Yuldarang kat, Luz: kaput kapat ulna ki. Hibru kau laih Luz yakat. arquita balna saunina munah bayakwi Atarot kat; 3usnit yakat ma kawa nining yakat kiwa dai jafletita balna saunina munah, Bet-horón parah nining saunina lainni kat dawak Gezer kat. Kidika kaupak Mediterráneo kumani kat kalahkiuna. 4José sulani Manasés dawak Efraín sulani balna panina duduna dai kidika aput ki:
Efraín sulani balna saunina
5Efraín sulani dakwi muihni balna saunina lainni dakwi lana kidika Atarot-adar ma kilwa nining kaupak Bet-horón langni niningyak dai. 6Kidika kaupak kalahwi kiwa kidika Mediterráneo kumani kat. Sauni lainni tingpal niningkauh kidika Micmetat, kidika kaupak sauni lainni ma kilwa nining Taanat-silo kat, kidika usnit yak Janoa munah bayaknin, 7dawak Atarot dawak Naarat yak yaklauwi, Jericó yak kiu'kawi dawak Jordán wasni yak kiu'kalahnin. 8Tapa kaupak sauni lainni kiwa kidika ma kawa munah lana, wasni wakarhni kat dawak Mediterráneo kumani kat. Adika sauni kidika Efraín sulani balna yak diana dai dawak witing sulani muihni balna yak sahwi yakna dai. 9Kaput bik tawan nunuhni balna dawak tawan binina as as Manasés sulani saunina pas yak bang dai kidika Efraín sulani balna yak diayana. 10Kaunah Efraín sulani balna laih Cananeo balna Gezer yakat yalalahwadai kidika kaupak kangwi yakmumukwasdai,#Jue 1:29. kaunah witingna karak dadawak yalalahna witingna, di yayamwa kidi sau minit lalauna dai. Dawak warmani kat cananeo balna ban yakat yalalahwi.
Currently Selected:
Josué 16: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
