Job 6
6
Job
1-2Yang dalani mahni wauhtayang kidika
paun kau awi talwarangkat,
3tanit tikini karang ki kuma kauhnimak karak dawakat.
Kidika bahang kulnik dalani kau dutik yulbaunayang.
4Parasni nuhni bitik duwa sinibang kidika, yang muihki kat yapana,#Sal 38:2.
dawak puinisin kidika āki yakat bitik āwilana.
Papang yang nikingkauh yaklauwa kidika muihsak manah yabahngna.#Sal 88:16.
5¿Biriku kidika di parasni yulwakatpah, kasnin manas duwa manikat?
¿Kidika awaskat turuh almuk kidika mahwi, witing sihrsihr manas duwa manikat?
6¿Angdika muihni kuma dis sunni di kaswi?
¿Amput yamni karangyah di as auhni dis kidika?
7Yang di as kasnik-awas kulnayang dai kidika
waradika yang kasnik palniki.#6.7 Adika sahyakna dibin kulnin lani kidika laih amangladaski.
8¡Yamni karang yang di yultayang kidika Papang yāwarang kat;
yamni karang dukih yawa yakat yamwarangkat!
9¡Yamni karang, witni kat Papang yaklauwi
barangni sangkika adika dispamwarang kat!
10Dalani nuhni dutayang kidika pasyakat, witing kaput sangkika sau akaupak yakpamwarangkat,
walakiāna as karang yang niking yakat,
yang niningh witing yulni balna kidika rispik kalanayang, Papang maisihnidis kidika.
11Paraski bitik witna sip baisa wauhtasyang,
sau akat sangka atnin tannika bitik laih disna.
12Kipala dadasni kapat awasyang,
dawak bras kapat bik awasyang.
13Yang alas mikit praisni ānik bik sip-awasyang,
dawak di ūk kaupak paraski as dunik bik diski.
14Kaltalyang yamni as dalani wauhwa kidika laih minikun talwi,
Papang parasni nuhni bitik duwa yakat barangni-awasdai karang bik.#6.14 Kaltalyang...karang bik: kaput wirlana kidika yamni kapat ki. Hibru kau laih amangladas ki.
15Kauna manna laih mayang karak kaltalyang yamni mayang kauna, niking yakat dutni yamnamana,
sihm wastuna burhwi kalahwas buhlakwa kapat mana.
16Was kidika buhutni murwi kaiwi,
was dadasna dawak mukus pihni uhwa kidika karang banawi kaiwi;
17kauna was dadasna sanni kidika baykkiwakat was kidika buhlakwi,
dawak kidika minit yakat ma daihni kidika kaiwakat was kidika dahn kalwi.
18Kaput kalahwakat, muih mahni tapas kau aiwabang
kidika ta diswi pini walang was dis pasyakat uiwi dauna atnin.
19Tema dawi Sabá muihni balna
tapas yakat was dai kidika walwi sip yayakwas ki,
20dawakat uiwi kalahwi talwi kulninna bukwi,
tahahawadai kidika dutni manah kalahna ki.
21Kapatmana, manna yang niking yakat:#6.21 Yang niking yakat: sara mani kau ulna kidika laih kaput yulwi. Hibru kau laih yulwi dikah.
yang wauhtayang kidika dutni palni ki, dawak tala yamadutamana.
22Kauna yang di as bik yultasyang,
lalah bik yultasyang yamni alahwinik yulni,
23waihkila niningkaupak yalaihta yaktanauh yultasyang,
dawak dimalyang balna tingninapas kaupak bik yadakta yaktanauh bik yultasyang.
24Lan alahwinik kidika yatanauh, kulnik yakat apaktik duki:
dawakat nikingkatanauh dutni yamnayang kidika.
25Muih as bik yul barangni niningkauh yaklauwas ki,
kauna manna laih yamni amanglatas data yang akat dutni kidika yailtamana.
26Manna yang yulki balna niningkauh lawamana,
yul dauh balna wing yaklauwi dukiwa yulni balna kidika.
27¡Sip mana warau bin as sangnika karak isdanamna
dawak kaltalyang muihni as yamni dutamana kidika wauhta bakanna atnamna!
28Waradika yatalnauh, biri biri mamuhki kaltaldanang;
alas yultayang kat yayultanauh.
29Manna yulnamana kidika datanang bayakkiwang, muih dudutni atwinih;
amanglatanauh yang di as rahm kat yultayang.
30¿Manna yang adika alas muihni kapat yakultamana,
dawak manna ismangna aitasmana yultamana kidika?
Currently Selected:
Job 6: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
