Isaías 33
33
Dawan yakat tahanin
1¡Alakaih man, daukalyang muihni baisa madaukalpamwas kidika;
yakmaldi dutni yamyang, baisa yakmaldi dutni mayamwas kidika!
Di bitik daukalmukma usnitkat, man bik madaukalna karang.
2Dawan yangna akat miknakun yanatalah,
man yakat tamatahada kidika.
Mapiris bitik kidika mayang mailpki awah,
mailaihwi yakyang atnin ma dutni balna yakat.
3Man lawa dutni yamnin yultang kat tawan muihni balna kidika kikiri,
dawak man awa yamtang kat muih balna kidika ruhwi;
4man waihmala balna kidika sihm sisin mahni mukus kapat
kidika aiwi minitna yakat, dawak ritsnina balna kidika dakyakwi.
5Dawan laih king, bahang ibis yakat sakki;
witing yaklauwi Sayan kidika banghna barangni lani dawak la kat yamnin kidika,
6dawak ban kaput laih di maintalwarang.
Sins lani dawak, di amanglanin lani kidika laih sihm kipala dahlwa kapat as ki, mailaihwi yakwi;
dawak Dawan yakat yamanidunin kidika laih di minit nuhni as ki.
7¡Dakah, muih kulninna dadasni balna kidika amput sararahwi tapas balna yakat
dawak ampat kakaidi kulnin aslah dunin yulni sihna kidika yulbauna atnin!
8Ta balna kidika laih di dis ahni manah ki,
muih as bik wawatwas ki.
Pramis balna#33.8 Pramis balna: kaput kidika yamni wirlana kapat ki. Hibru kau laih amangladas ki. kidika bitik laih bahna ki;
muih as bik risnipik diski.
9Sau kidika kulnin bukna ki,
Líbano kidika asalni yulni kusulawi,
Sarón sauni langni kidika kauhmak wanilang manah kalna,
Basán dawak Carmelo asangni kidika di dis turna ki.
10Dawan yulwi:
“Waradika yang yamki;
waradika yang lāih yakna awaki nuhni yang kidika dawak bik king yang kidika.
11Manna warkmana balna kidika dibasta kusulana dawak bubuh kapat ki;
wingkita puhtayang#33.11 Wingkita puhtayang: sara mani wirlana kidika kaput ulna. Hibru kau laih yulwi manna wingmanata puhtamana kidika. kidika dibusyamna karang sihm kuh dahlwa kapat.
12Tawan balna kidika wan manah kalna karang;
sihm wakal dakna kapat kuh yakat busna karang.
13Pa naikau balna kidika yang yamnayang kidik dakakawang,
dawak yaihnitkau bang kidika amanglalawang yang paraski kidika.”
14Sayan yakat dutni yamyang balna kidika diyukwi,
dawak dutni yamyang balna kidika muihsak dauwi yuyulwi:
“¿Mayang paskaupak wais sipyah kuh dahlwa
ban kaput atnin pasyakat yalahna atnin?”
15Di barangni dawak rahm yulwa muihni kidika,
dawak kaput bik parasni kau yamwi di manas duyang kalwas kidika,
prisant dini kau kalbakakanwas kidika,
kaput bik iyang muihni balna yulnina dakawas kidika
dawak minikpa sipikwa kidika di dutni kidika talnin-awas yulni,#Sal 15:2-5; 24:3-5.
16kidika muihni laih sangka karang di as bik kalyamwas karang,
dawak witing yakmalda pāni kidika laih kipala uni as karang,
kaput bik kasnin dini dawak wasni bik dahnkalwas ban karang.
17Watta king kidika talma witing yaringni bitik pasyakat;
dawak sau pīsni balna daklana balna kidika naikau kiuna karang.
18Man yamadutaman pasyakat ban yalahtaman dai yakat kulyakta yulma:
“¿Angkat sakyah tunan minit dakwa balna kidika kulwi talwa dai kidika?
¿Angkat sakyah paun āwi talwa dai kidika?
¿Angkat sakyah makau kilwi talnin pāni balna kulwi talwa dai kidika?”
19Tawan as tapdadas pasyakat baisa yalahtas awama,
dawak tuni bik amanglanin dadasni kidika,
yulbauwa balna kidika bik amangladas, muih as bik amanglawas kidika.
20Sayan yakat talah, maalaskina tawan nuhni kidika;
mamakpa kidika Jerusalén yakat talah, tawan nuhni as di dutni as bik dis kidika yamni manah kidika,
sihm ū labanni as parasni kapat karang,
pan sau yakat ukna balna kidika dutwi kalahwas karang,
dawak wahni balna bik dakwas karang.
21Kidika yakat Papang alasnina nuhni kidika lāih yakwi mayang yakat.
Pa as was panuhni murwa bangbangki,
kaunah waihla balna kidika kumanina kuring waihnin duwa pararasni balna kau
uiwi kakawas karangki.
22-23Kidika kumani kuring asna sitwa panan balna wahni kidika
sip laihwatwas karangki, dakwarang ki;
bahang asnina balna kidika sip-awas karangki rinin.
Waihla balna dinina yayamni mahni dakyakdarang ki,
muih minikpa dis kidika bik laih duna karang ki,
dawak sakahwa kakalna balna kidika bik witingna kawi laihwi duduwarang ki.
Kat Dawan kidika mayang mawihkita,
malaki yamyang, makingki,
bahang witing yaklauwi mailaihwi yakna karang.
24Muih balna kidika as bik yuyulwas karangki: “Siknis yang.”
Papang yaklauwi Sayan muihni balna dutnina dawak disna karang.
Currently Selected:
Isaías 33: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
