Popular Bible Verses from Isaías 33

Share

dawak ban kaput laih di maintalwarang. Sins lani dawak, di amanglanin lani kidika laih sihm kipala dahlwa kapat as ki, mailaihwi yakwi; dawak Dawan yakat yamanidunin kidika laih di minit nuhni as ki.

Dawan yangna akat miknakun yanatalah, man yakat tamatahada kidika. Mapiris bitik kidika mayang mailpki awah, mailaihwi yakyang atnin ma dutni balna yakat.

Kidika kumani kuring asna sitwa panan balna wahni kidika sip laihwatwas karangki, dakwarang ki; bahang asnina balna kidika sip-awas karangki rinin. Waihla balna dinina yayamni mahni dakyakdarang ki, muih minikpa dis kidika bik laih duna karang ki, dawak sakahwa kakalna balna kidika bik witingna kawi laihwi duduwarang ki. Kat Dawan kidika mayang mawihkita, malaki yamyang, makingki, bahang witing yaklauwi mailaihwi yakna karang.

Di barangni dawak rahm yulwa muihni kidika, dawak kaput bik parasni kau yamwi di manas duyang kalwas kidika, prisant dini kau kalbakakanwas kidika, kaput bik iyang muihni balna yulnina dakawas kidika dawak minikpa sipikwa kidika di dutni kidika talnin-awas yulni, kidika muihni laih sangka karang di as bik kalyamwas karang, dawak witing yakmalda pāni kidika laih kipala uni as karang, kaput bik kasnin dini dawak wasni bik dahnkalwas ban karang.