Isaías 18
18
Prapit yulni balna Etiopía niningyak yulna
1¡Alakaih kidika pāni yakat dimuih balna yuyulwa kidika,
dawak kidika pāni laih Etiopía wasni nakasyakau kidika,#Sof 2:12.
2witing sauni tunan muihni as sihwa kidika Nilo wasni#18.2 Nilo wasni: barangni yulnin kat kuma. (Talah 10:26 dawak 19:5.) munah,
witing kuring kau kiwa kidika!
Yul muryang balna siririhni kidika,
muih nanaini dawak uninatak sasani,
kidika muihni balna yakat yamaninaduduwa kidika
muih ūk balna yaklauwi tawan as parasni witing manah kaldakawi
dawak witing yalahwa sauni kidika was manas murwi.
3Manna sau muihni bitik,
talnama mampat sain kidika asang yak kalahwarang kat,
dawak bik mampat trumpit puhwarang kidika dakanama.
4Dawan yaklauwi yayulna:
“Yang paki kaupak talayang di bitik isning lāk ki,
sihm kurih mani yaringni duwa kapat,
madaihni mani di minik babahwa mani kat mukus kaupak diwas sihwa kapat talayang.
5Wain yamak balna kidika puluwi bayak dawakat,
puluni balna dai kidika minik lalahwi,
kaunah baisa minik babahwas tanit yakat,
rahni balna kidika klin yayamwarang kuhbil kau,
dakwi dawi naikau lalana karang.
6Bitik laih asangpas yak damumukna karang
kusma balna yakat dawak di anyang balna yakat bik.
Uhu balna kidika yakat kuruh bayayakwarang
kaput bik laih di anyang balna kidika
bik yakat watwi kurih lalana karang.”
7Kidika mani yakat
Dawan parasni nuhni duwa yakat duahaina karang
minit dis kalanin dini kidika muih nanaini balna
dawak sasani balna kaupak
tawan as muih bitik yamaninaduwa kidika,
tawan as parasni dawak witing manh kaldakawa kidika,
witing yalahwa sauni kidika was manas kira kidika.
Sayan yakat duahaina karang
Dawan parasni nuhni duwa ayangni yuyulwa pāni.
Currently Selected:
Isaías 18: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
