Isaías 16
16
Moab muihni balna kidika Judá yakat yakmamaldi
1Kauhmak wanilang, Sela kaupak
tunan muihni balna kidika sisihwi sīp#16.1 Tunan muihni balna kidika sisihwi sīp: kaput kidika yamni ulna kapat ki. Hibru kau laih yulwi sīp bin as sisihwi sau tunan muihni balna.
Sayan asangni kat.
2Moab muihni balna kidika Arnón tāni bayakwa yakat
sihm uhbinina uhuswakat yamaduwi
ūnina dawi kikira kapat ki.
3Sayan yakat kalyuyulwi:
“Di as yamta nakitna daktah,
takitna daknin kidika man yamtah.
Ma daihni pasyakat sanni dutaman kidika mayatah
sihm pukta kapat;
panina kaupak kangwi yayakna balna yakat pa diatah,
dutni yamwi kikira balna kidika alas diyulwi iwinih.
4Datangkat man yakat yakmamaldang.
Moab muihni yakmamalda balna kidika.
Pa diatah
daukalwi dis yamwa kidika niningyakat.”
Taihnin lani kidika dahn kalwak
daukalwi dis yamwa kidika bayak dawakat,
ai'kawi kalbabauna balna kidika kalahwi uidadawak,
5Devid sulani as king kawarang,
bahang adika kingni kāwa kidika rahni balna ukna karang minikun talnin lani karak.
Wihta as barangni karang,
muih rahmni kidika kalana karang,
dawakat yamwakat la kat kidika sirihni palni kiwi kalana karang.
6Amangladi witing manah tanit nuhni kapat kaldakawa kidika Moab,
kulnin dutni kidika, nuhni kaldakawa kidika,
dawak yul mahni yulwa kidika bitik dauh manah kidika bik.
7kidika bahang Moab muihni balna bitik
kakaidarang saunina yulni;
kulninna bukna kidika nuhni palni didalawarang
Kir-hareset ahalni balna yulnina.#16.7 Ahalni balna yulnina: kaput ulna kidika yamni kapat ki. Hibru kau laih yulwi wain minik kuruhwi dawi labanna.
8Hesbón dawak Sibma wainni yamak balna kidika
kusulana karang,
sau tunan muihni balna yaklauwi daukakalna karang.
Rahni balna kidika Jazer yakat kiwi kāwa dai,
kauhmak wanilang kat bik kiuna dai
kaput bik kuma nakas tanit yakau bik.
9Kidika bahang Sibma wainni yamak yulni aidayang,
Jazer yulni bik sihm aidayang,
kaput bik Hesbón dawak Eleale yulni mikwas yaktayang,
kat kidika minik balna minit yakat war kalbaunin kidika sakdai bahang.
10Alasna kidika dawak didakadisahni atwa kidi
bik dahn kalna karang pa balna yak;
muih as bik alasna duwi sarahwas karang
kaput bik unbauwas karang wain yamak pasyakat,
dawakat wain minik balna kidika baisa tiriswas karang wasni yakna atnin.
Sararahwa balna kidika bik dahn kalna karang.
11Ising kidika kalyukwi sihm paswi yakisdinin dini as kapat
Moab dawak Kir-hareset yulni.
12Moab kidika asang ubulni yakat wat wat kiwi
kalni dinit yakat bukwi yulna manah kalsuhwarang,
kaput bik makat yulwa uni yakat kiwi makat yulwarang karang
bik di asbik yakwas karang.
13Adika yulni balna kuduh Dawan yulna dai kidika Moab nining yakat kurih mahni dana yakat. 14Waradika laih Dawan yaklau aput yulwi:
“Kuruh bās pasyakat,
sihm wark muihni witing minit duwarang kidika kulwi talwa kapat,
Moab nuhni barakna kidika daukalna karang,
muih mahni duwa karang bik;
tingkurus bung manah watwarang bubin dawak parasni dis.”
Currently Selected:
Isaías 16: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
