Isaías 15
15
Prapit yulni Moab niningyakat yulna kidika
1Prapit yulni Moab nining yak yulna kidika:#Is 25:10-12; Jr 48; Ez 25:8-11; Am 2:1-3; Sof 2:8-11.
Ar daukalpamna puknita yakat
Moab yak bik daukalpamna;
Kir daukalpamna puknita yakat,
Moab bik daukalpamna.
2Dibón muihni balna kidika uiwi kakaidi,
asang ubulni kau makat yulnin uni yakat.
Moab bik kaidi
Nebo dawak Medeba daukalpamna yulni.
Witingna bitik laih tunanina kakahrna,
kungninabas bik dadakna.
3Tapas yak muih balna kidika uiwi asninana utuhni kawi;
ūnina mayak kilwi sarahwi kakaidi dalani kidika yulni.#15.3 Sarahwi kakaidi dalani kidika yulni: kaput kidika yamni kapat ki. (talnin Jr 48:38.) Hibru kau ulna kidika laih kalahwas ki kaput.
Muih kalududuhwa pāni yakat
muih bitik kakaidi miniknawas yayakwi.
4Hesbón dawak Eleale witingna ilp yuyulwi;
Jahaza kat sararahwa kidika lāih ki.
Kidika bahang Moab muihni balna,
kalbauyang balna kidika yamaduduwi.
5Yang ising kidika Moab ilpni yulwi;
muihni balna kidika kalahwi kiri Zoar dawak Eglat-selisiya kat uiwi.
Luhit pāni kau lau kilkiwa yakat kaidīnah iluiwi;
Horonaim tāni yakat
parasni sarahwi kaidīnah uiwi di daukalna balna kidika yulni.
6Nimrim kau pa kuhrna balna dai kidika bitik buhlakna,
dibasta balna bitik kusulalana, dadauna,
dibasta as bik sangni diski.
7Kidika bahang muih balna kidika dinina balna bitik duwi
uiwi álamos wasni tanit yakat.
8Ilp yulwi sararahwa kidika
Moab sauni kiwi watwa munah awaihwi kaiwi;
kakaida balna kidika Eglaim
dawak Beer-elim kat kiwi.
9Dimón pāni kuhrna balna kidika ā manah bung karang bik,
dutni kidika baisa sihna karangki;
Moab kaupak kiri yaklalawarang kidika layan yaklauwi dikaswarang,
kaput bik adika sauni yakat sangka bangkarang balna kidika bik.
Currently Selected:
Isaías 15: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
