Oseas 10
10
Israel balna sakripais bubuswa kidika bahwi dis yamna karang
1Israel laih wain minik dahni laihna ki,
dawak minik kidika baisa dahni laihwakat,
sakripais busnin pāni bik baisa manas yamna dai;
dawak saunina kidika bik baisa yamni nuhni dawakat,
daninawan dauh kinipala kidika baisa tanit yamni nuhni dai.
2Israel kulnin kidika bu sahwi kalahna,
dawak waralaih dutni yamna kidika minit lauwarang ki.
Papang yaklauwi witingna sakripais bubuswa pāni kidika daukalmukwarang ki,
dawak daninawan kinipala balna kidika bik tukwi lakmukwarang ki.
3Waralaih adika tawanni yulwarang:
“King dismayang,
kat papang kau nuhni kulnin lani kidika dismayang bahang.
Kauna ¿king kidika ais yamnin sipyah mayang mayulki?
4Dauh manah yulbauwi,
pramis balna kidika alas manah yamwi;
witing lani balna kidika laih pan as puisin duwa kapat ki,
asangpas kau bararakwa kidika.”
5Samaria muihni balna kidika diyukwi;
tuninaruh,#Os 8:5. Bet-avén#10.5 Talah s.d. 4:15 ulna yakat. disna kidika yulni kakaidi.
Kidika yulni kakaidi tawan dawak tunan muihni balna bik,
kat witingna alasnina kidika disna bahang.
6Tuninaruh wayani kidika Asiria yakat duwi kiuna karang
king yakat kalana atnin.
Kaput laih Efraín kidika asalni nuhni kalahna karang,
Israel kidika asalni kalahna karang daniwan dauh#10.6 Daniwan dauh: kaput ulna kidika yamni ki. Hibru kau laih yulwi yamnin kulwa yakat. kidika yulni.
7Samaria kingni kidika disna karang,
sihm di yayahbin as was minit yakat uruhnwa kapat.
8Dawan dauh balna panina kau
Israel dutni yamwa dai kidika balna bitik laih daukalpamna karang.
Sakripais buswa pāni balna dai yakat wakal ukusna karang,
dawak muih balna yaklauwi asang balna yakat diyuyulwarang:
“¡Maimaltanauh!”,
dawak asang nunuhni balna yakat bik diyuyulna karang:
“¡Mamikit yakat buktanauh!”#Lc 23:30; Rib 6:16.
Papang yaklauwi Israel niningyakat la yamna
9Papang yulwi:
“Israel dutni yamna kidika dawas ban yamwi,
Gabaa#Jue 19:1-30. kau dutni yamna dai kidika kaupak.
¡Dutni yamwa kidika ban dawas yamwi!
Kidika bahang, war kidika ditaihna karang
adika muihni dudutni balna Gabaa kau bangkidika yakat.
10Adika tawanni yakat wah kalana awaki,
angdika mani kalanik kultayang yakat.
Muih mahni kalududuhna karang witing niningkauh,
yang lawik wah kalating kat dutni yamna kidika yulni.
11“Efraín laih turuh yal sirau limahna kapat dai,
plawar minik sakwi yaknin kidika laih dukih kalawa dai.
Yang lawik dinimak yakat pan anayang kar kidika murna atnin;
dawak Judá laih di dahnin pāni kidika tukwi yudutni yamna karang,
dawak Jacob laih rik murna karang.
12Diyulnayang: Manna lā yamni kidika dutanauh,
dawak dalani lani kidika minik bahtanauh.
Di dahnin sauni kidika watta ridi yamtanauh,#Jr 4:3.
kat waradika laih Papang walnin mani bahang,
witing kaiwarang kat sangka atnin wasni kidika
duaiwarang ki manna mamatna yakat.#Is 44:3; 45:8; Os 6:3.
13Kauna manna laih dutni kidika dahnamana,
dawak lā awas kidika bahnamana,
kaput bik alas minik kidika kasnamana.
“Kalbaunin kārni balna#10.13 Kalbaunin kārni balna: grik kau laih kaput ulna. Hibru kau laih yulwi man tāma yakat. yakauh rahm kulnaman bahang,
dawak bik kalbaunin mahni balna yakauh kulnamana bahang,
14manna pasyakat pini kiri yaklalawarang,
uma pararasni balna kidika daukalna karang,
sihm Salmán kingni Bet-arbel kau daukalna kapat kalbabauna mani yakat,
nanangni dawak walanibis bik taihwi lababanna dai.
15Manna yakat bik sihm kaput kalahna karang,
Betel muihni balna manna dutni nuhni yamnamana kidika yulni.
¡Israel kingni kidika ma payahlawa yakat dauna karang!
Currently Selected:
Oseas 10: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
