Ezequiel 40
40
Papang uni pakwarang kidika niningkana
1-2Waiku kalahwak ma salap laihna yakat, kidika mani laih kurih wisam mani, bahang Papang kaiwi witing tingni kidika mikit yakat yuna, dawak amana kapat kau Israel sauni yakat yaduwi kiuna. Babilon yakat yanaduwi kiuna kidika uman kurih 25 laihna dai, dawak Jerusalén yakat kawi duna kidika uman kurih salap minitkau arungka laihna dai.
Israel sauni yakat, papang yaklauwi asang maluihni as kau yailna dai; kidika kaupak wadah niningyakat talnayang, bahang bangdai u nunuhni balna manah dawak tawan nuhni as kapatdai.#Rib 21:10. 3Papang yaklauwi kidika yakat yaduwi kiuna, dawak yakat al as talnayang kidika laih sihm bras kapat dai. Dūr yakat yaklauna sakdai, witing tingni yakat linin wahni di nuhni kulnin dini as duwasakdai, dawak di dibin kulnin dini pan kau yamna kidika as duwasakdai.#Rib 11:1; 21:15. 4Kidika alni yang akat yayulna: “Yamni talah dawak bik dakah; kaput bik yamni amangta talah di namangkaki kidika, kat Papang yaklauwi maduwi kaina man yakat namangkanik yulni. Usnitkat, man lawa Israel muihni balna bitik yakat diyulma man talaman adika.”
Makilwa niningkauh dūrni
5Makat yulnin uni#1 Re 6; 2 Cr 3. ahni niningkauh kidika daklawi awaih danadai. Kulnin dini pan as tingni yakat duwasakdai kidika laih naini metro bās duwadai. Kaput laih ahnikau daklana balna kidika kulna, kidika laih panuhni metro bās duwadai, dawak maluihni bik metro bās. 6Usnit kat ma kilwa niningkauh dūr kiwi kawa yakat kiwi ma yakat kilwi dūr kiwi kawa kidika kulwi talna dai, kidika panuhni niningkauh laih metro bās duwadai. 7Yaihnit balna kau daklana dibinina balna kidika bik metro bās duwadai naini dawak panuhni bik, dawak daklana dibinina libitna walsah kidika laih metro bu minitkau papusbah duwadai. Kidika kaupak kiwi kawa dūrni kidika sakdai, makatyulnin uni muhnit yakat. Bahang kidika dūrni kiwi kāwa yakat kidika panuhni metro bās duwadai. 8-9Alni kidika kulwi talna dūr kiwi kawa yakat, bahang metro arungka duwadai. Rahni nunuhni bu raudai bahang kidika balna laih metro as tubakni duduwadai. 10(Ma kilwa niningkauh kiwi kawa balna yaihnit nabupak daklana binina bās duwadai bahang bāspak kapaputdai, dawak rahni balna nunuhni raudai kidika balna bik sihm kapaputdai nunuhni.)
11Usnitkat al dai kidika dūr kiwi kawa yakat kulwi talna: metro singka duwa dai panuhni, dawak kiwi kawa kidika laih metro tiaskauas minitkau papusbah duwadai. 12Daklana dibinina balna kidika muhnityakat tubakni daklana bangdai panuhni laih metro papusbah. Daklana binina kidika laih panuhni metro bās duwadai dawak naini bik metro bās dai. 13Usnit kat kiwi kawa panuhni ampus kidika bitik kulwi talna dai, daklana bin as kung kaupak muhnitkau daklana bin ūk kidika kung kat, dūr as bayakwi kiwak muhnitkau dūr sakkidika dawak kidika bitik kat metro 12 minitkau papusbah duwadai. 14Usnit kat muhnikau dūrni kiwi kawa pāni pakkidika kulwi talna: metro salap dai.#40.14 Muhnikau durni kiwi kawa pāni pakkidi: metro salap dai: sarakau ulna kidika kaput yulwi. Hibru kau laih yulwi rahni nunuhni kidika yamna: metro 30. Uni nuhni yakat kiwi kanin kidika laih watak#40.14 Watak: kaput ulna kidika yamni kapatki. Hibru kau laih yulwi watakkau rahni kidika. awaih yakat duwadai. 15Naini bitik libitna kidika, ahni kaupak pastawa kau dūrni sakkidika kat duwadai metro muihasluih minitkau singka duwadai. 16Daklana binina dawak rahni nunuhni balna kidika bik, dawak pas yakauh yakat windar duwadai ayan lakwi pardawi birna kidika karak, ūni nuhni awaih kidika bitik yakat. Kiwi kawa kau pa pakkidika awaih yakat windar manah duwadai, pastawa niningyakauh. Rahni nunuhni balna rau kidika yakat kuku satni wayani balna yamna dai.
Watakni ahni niningyakauh
17Alni kidika usnitkat watakni kidika ahni niningyakauh yakat yaduwi kiunadai, watakni awaih kidika kipala kau yamwi awaihna dai, dawak kidika yakat daklana balna 30 duwadai. 18Kipala kau lakna kidika laih sau niningyakauh dai, ū nunuhni balna yamna kidika kiwi kawa pirini balna yakat duwadai, dawak panuhni laih ū nunuhni balna naini niningkauh kidika sihm kaput duwadai. 19Alni kidika kulwi talna dai sau niningkauh dūr muhnit kaupak pas niningkauh dūrni#40.19 Dūrni: grik kau kaput ulna. Hibru kau laih yulwi watak. ahni kidika kat naini ampus duwa kidika, kidika laih metro 50 duwadai.#40.19 Hibru kau laih minityakat lakwi: ma kilwa niningyakat, dawak tingpal niningyakat.
Tingpal niningkauh dūrni
20Kawi yaklanin pāni as sakdai, kidika laih tingpal niningkauh watakni ahni niningkauh yakat. Al dai kidika yaklauwi kulwi talna panuhni dawak naini bik. 21Pirini nabupak daklana dibinina kidika bās raudai, dawak rahni nunuhni balna dawak kiwi kawa kau ahni pakyakat bupak nunuhni kapapatdai, ma kilwa niningkauh yakarak libitwak, yuldarangkat naini niningkauh metro 25 duwadai dawak panuhni laih metro 12 minitkau papusbah. 22Kiwi kawa kau panuhni pakkidika, windar balna dawak kuku kapapat bangkidika laih sihm kapapatdai, ma kilwa niningkauh bangkidika karak, bahang kidika yakat kilnin kat, ta kilitna tiaskaubu duwadai, kidika munah kilnin dai, dawak kiwikawa kau ahni pakkidika laih pastawa niningyakauh#40.22 Pastawa niningyakauh: grik kau laih kaput ulna. Hibru kau laih yulwi witingna tanitna yakat. pakdai. 23Ma kilwa niningyak dawak tingpal niningyak, dawak ahnikau kawi yaklawa muhnit yakat, bik dūr ūk sakdai watak pas niningkauh yakat kanin. Al kidika kulwi talna kanin pāni bu kidika balna bik, bahang bitik kat metro andat papusbah duwadai.
Wadah niningkauh dūrni
24Usnitkat al dai kidika wadah niningyakat yaduwi kiuna, bahang kidika yakat dūr as sakdai, dawak kulwi talna kiwi kawa kau ahni pakkidika dawak rahni nunuhni balna kidika bik, bahang kidika laih sihm kapapatdai nunuhni. 25Uni nuhni kiwi kawa kidika dawak, kiwi kawa yakat pa ahni pakkidika, yaihnit awaih kidika bik laih windar duwadai, as balna kapat. Bitik kat metro 25 dai naini, dawak panuhni laih metro 12 minitkau papusbah dai. 26Dawak ta kilitna as duwa dai, kilitna balna kidika tiaskaubu, dawak kiwi kawa kau ahni pakkidika laih pas niningyakauh pakdai. Dawak rahni nunuhni balna kidika kuku kapapat wayani balna yayamna dai pirini nakaskau bupak. 27Pastawa niningkauh watak pakkidika bik dūr duwadai wadah niningyakat. Al kidika witing kulwi talna dūrni balna kidika bupak, wadah niningkau balna yakat, dawak bitikkat metro andat papusbah dai.
Pas niningkauh watak kidika: wadah niningkauh dūrni
28Usnitkat wadah niningkauh dūrni yakat yaduwi kiuna, pas niningkauh watak pakyakat. Wadah niningkauh dūrni kidika kulwi talna, dawak sihm muhnilau dūr balna kulwi talna dai kaput dai nuhni. 29-30Daklana dibinina, kiwi kawa kau ahni pakkidika, dawak rahni nunuhni balna bik sihm nunuhni kaput dai. Uni nuhni kiwi kawa kidika, dawak kiwi kawak kau ahni pakkidika bik sihm windar awaih duwadai, dawak bitik kulwi talwak metro muihasluih minitkau singka duwadai naini, dawak pirihta laih metro salap minitkau bu minitkau papusbah duwadai. 31Kiwi kawa kau ahni pakkidika laih ahni niningyakauh pakdai. Rahni nunuhni balna kidika yakat kuku satni wayani balna yamna dai. Adika dūrni laih ta kilitna tiaskaubās duwadai.
Pastawa niningkauh watakni kidika: ma kilwa niningkauh dūrni
32Usnitkat ma kilwa niningkauh pastawa kau watak pakyakat yaduwi kiuna, kiwi kawa kau yakat kulwi talna, dawak sihm uk balna kaput dai nuhni. 33Daklana dibinina, rahni nunuhni balna, kiwi kawa kau ahni pakkidika, ūk balna karak sihm kapapatdai. Uni nuhni kau kiwi kawa kidika dawak kiwi kawa kau ahni pakkidika, yaihnit awaih kidika windar duwadai, naini kidika metro muihasluih minitkau singka duwadai, dawak panuhni laih metro 12 papusbah duwadai. 34Kiwi kawa kau auhni pakkidika laih ahni niningyakauh watak yakat dai. Rahni nunuhni balna kidika yakat kuku satni balna wayani yamna dai. Kidika dūrni yakat ta kilitna as sakdai kidika munah kilna atnin, bahang kidika tani laih kilitna tiaskaubās duwadai.
Pastawa niningkauh watakni kidika: tingpal niningkauh dūrni
35Usnit kat al dai kidika tingpal niningkauh kiwi kawa yakat yaduwi kiuna, dawak kulwi talwakat sihm as balna kapatdai 36dawak kidika yakat bik daklana dibinina duwadai, rahni nunuhni balna dawak kiwi kawa kau ahni pakkidika bik, dawak yaihnit awaih kidika bitik windar duwadai. Uni nuhni kiwi kawa kidika metro muihasluih minitkau singka duwadai naini, dawak panuhni laih metro 12 minitkau papusbah duwadai. 37Kiwi kawa kau ahni pakkidika#40.37 Kiwi kawa kau ahni pakkidika: sarakau kidika kaput ulna. Hibru kau laih yulwi rahni nunuhni balna. laih pakdai ahni niningkauh watak yakat. Dawak rahni nunuhni balna kidika yakat kuku satni balna wayani yayamna dai. Adika dūrni laih ta kilitna munah kikilwadai, tani kidika laih kilitna tiaskaubās duwadai.
Ū nunuhni balna, tingpal niningkauh dūrni yaihnit yakat
38Daklana as sakdai, kidika laih kiwi kawa kau ahni#40.38 Kiwi kawakau ahni: kaput ulna kidika yamni kapat ki. Hibru kau laih yulwi rahni nuhni. pakyakat kalahwadai. Bahang kidika yakat tinglau balna sakripais yayamwarang kidika susuhwadai. 39Kiwi kawa kau ahni pakyakat tibil arungka bangdai, nakaskau bu bu lakna dai, kidika yakat sakripais karauni kauna dawak dutni dawak disnin yulni sakripais buswarang kidika bik ilwi ihiwadai. 40Kiwi kawa kau ahni pakkidika#40.40 Kiwi kawakau ahni pakkidika: kaput ulna kidika yamni kapatki. Hibru kau laih yulwi mayakat kilwa kidika. kaupak ahni tingpal niningyakat bik nakaskau tibil bu bu lakna bangdai, 41yuldarang kat tibil arungka bangdai pastawa yakat, dawak arungka uk kidika laih ahni kiwi kawa yakat bangdai: bitik kat tibil tiaskaubās bangdai. Kidika minit yakat lakwi di ihiwadai. 42-43Tibil arungka kidika laih kipala pahrna kau yayamna dai, kidika minit yakat ilwi bubuswadai sakripais, naini centímetro muihasluih bās minitkau salap minitkau singka duwadai, panuhni bik sihm kaput dai, dawak maluihni laih centímetro andat papusbah dai, kidika balna minit yakat minitdis kalanin dini balna kidika ilwadai. Daklana pastawa niningkauh yaihnit awaih kidika yakat di laknin panuhni centímetro tiaskauas duwadai, bahang kidika yakat minitdis kalanin dini plawar kidika ihilwādai, dawak di uk balna witingna di duduwa dini balna kidika bik ihilwādai, kidika balna yakau sakripais busnin dini balna ihiwadai.
44Pastawa niningkauh watak kidika, dawak pastawa dūrni balna kidika kaupak ahni niningyakat, daklana bu#40.44 Daklana bu: grik kau laih kaput ulna. Hibru kau laih amangladas ki. raudai, tingpal niningkauh dūrni sakkidika yaihnit yakat, as kidika laih muhni kidika wadah niningyakauh dai, dawak ūk kidika laih, pastawa kau dūr sakkidika yaihnit yakat dai, bahang muhni kidika laih tingpal niningyakauh sakdai.
45Al kidika yaklauwi yayulna: “Daklana as wadah niningyakauh muh sakkidika laih sumalyang makat yulni ūni yakat wark yayamwa balna panina, 46dawak daklana as tingpal niningkauh muh sakkidika laih sumalyang balna walapni busnin pāni yakat wark kalalahwa balna panina. Kidika balna laih Sadoc sulani balna, dawak libait balna pasyakat witingna manah sipki Papang yaihnit yakat uiwi dini yamna atninna.”
Watakni pastawa niningyakauh dawak makatyulnin uni kidika
47Usnitkat al dai kidika watak pastawa niningkauh yakat kulwi talna, watakni kidika laih rabutni dai, bahang kungni arungka balna kidika aslah andat papusbah metro duwadai, sakripais buswa pāni kidika laih makatyulnin uni muhnit yakat sakdai. 48Al kidika yaklauwi yaduwi kiunadai makat yulnin ūni kiwikawa kau ahni pakyakat, dawak rahni nunuhni balna kidika kulwi talna, bahang rahni balna kidika aslah pirihta duwa dai nuhni metro bu minitkau papusbah, dawak dūrni kidika laih duwadai metro tiaskaubu pirihta panuhni, dawak kiwi kawa kau ahni pakkidika dūrni yakat laih watnin dini āna kidika#40.48 Dūrni kidika laih duwadai metro tiaskaubu...laih watnin dini āna kidika: grik kau laih kaput yulwi. Hibru kau laih kidika yulni yulwas ki. laih panuhni metro as minitkau papusbah duwadai panuhni, aslah. 49Kiwikawa kau ahni pakkidika panuhni metro salap duwadai dawak naini niningkauh laih metro tiaskauas#40.49 Tiaskauas: grik kau kaput ulna. Hibru kau laih singka minit kau papusdak. duwadai, bahang kidika yakat kilnin kat ta kilitna as sakdai, kidika laih kilitna salap duwadai, rahni balna kidika yaihnit balna yakat rahni ūk bik duwadai.
Currently Selected:
Ezequiel 40: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
