Ezequiel 41
41
1Usnit kat muih al kidika yaklau sihm makat yulnin ūni pasyakat yaduwi kiuna, dawak ū rahni balna kidika kulwi talna dai: bupak pirihta nuhni#41.1 Pirihta nuhni: kaput ulna kidika yamni kapatki. Hibru kau laih minit yakat lakwi yulwi: u labanni panuhni kidika. kidika laih metro bās duduwadai. 2Dūr pirihta niningkauh kidika laih metro singka duwadai; pirini balna panuhni niningkauh kidika laih metro bu minitkau papusbah duduwadai. Usnit kat papuskau ahni panuhni pakkidika kulwi talna, dawak naini niningkauh kidika laih metro 20 duwadai dawak pirihta niningkauh kidika laih metro salap duwadai. 3Usnit kat ū paskau ahni panuhni pakkidika yakat kiwikawa ūni rahni balna kidika kulwi talna, dawak kidika balna as tubakni kidika laih metro as duwadai. Kiwikawa pāni panuhni niningkauh kidika laih metro bās duwadai, dawak ū rahni balna pirini nakas#41.3 Rahni balna pirini nakas: grik kau laih kaput yulwi. Hibru kau laih yulwi kiwi kawa kidika. tubakni kidika laih metro bas minitkau papusbah duduwadai. 4Usnit kat ū paskau ahni panuhni pakkidika kulwi talna, dawak pirini balna kidika laih metro salap duduwadai. Bahang yayulna: “Adika ki holi pāni kidika.”
Daklana yaihnit yakat silak ūni balna yayamna kidika
5Usnit kat muih al kidika yaklau makat yulnin ūni daklana ahni niningkauh kidika kulwi talna, dawak kidika tubakni laih metro duwadai. Makat yulnin ūni yaihnit kidika laih, silak ūni balna bangdai, pasluihni niningkauh laih metro bu duduwadai. 6Adika sinilak ūni balna laih tilana kat dakni bas bangdai, dawak dakni as kidika yakat silak ūni manah 30 bangdai. Makat yulnin ūni daklana kidika laih dakni uk balna yakat baisa tirisni kalnadai, dawak adika sutni balna kalalahwa kidika minityakat silak ūni dinitkau pan rababutni balna kidika tataihwādai, bahang kaput laih daklana kidika minityakat tataihwasdai. 7Silak ūni balna ahni niningkauh makat yulnin ūni awaihdadakwadai kidika yakat pan as sakdai kidika laih maluih yakau kilwi kiwadai, dawak kaput laih sipdai sau kaupak kilna atnin dakni papuskau yakat, dawak makau yakat bik.#41.7 Silak ūni...makau yakat bik: kaput wirlana kidika yamni kapatki. Hibru kau laih amangladaski. 8Makat yulnin ūni pirini balna bitik yakat talingkat makat yulnin ūni kidika laih kalni balna maluih sakdai, sihm kidika minityakat silak ūni balna kidika yayamna bangdai. Adika ūni kalni maluihni niningkauh kidika metro bas duwadai, 9-10silak ūni balna ahni niningkauh tubakni daklana kidika laih metro bu minitkau papusbah duwadai, dawak makat yulnin ūni yaihnit balna bitik, silak ūni balna walsah yakat awaihwadai kidika dawak ū pas daklana sumalyang balna payayahwa pāni yakat, ahni panuhni as dauh pakdai, kidika pirihta niningkauh laih metro salap duwadai. 11Silak ūni balna kidika laih ahni panuhni pakkidika karak aslah tangpakna dai, dūr as tingpal niningkauh dawak wadah niningkauh sakdai yakat. Ahni panuhni naini pakkau daklana tubakni kidika laih metro bu minitkau papusbah duwadai.
Ma kawa niningkauh ū nuhni yayamna kidika
12Ma kawa, watak daklana niningkauh yakat, ū nuhni as tusdai, kidika pirihta niningkauh laih metro 35 duwadai dawak naini niningkauh laih metro 45 duwadai, dawak daklana tubakni kidika laih metro bu minitkau papusbah duwadai.
Makat yulnin ūni pis balna kulwi yakna kidika
13Muih al kidika laih makat yulnin ūni kidika kulwi talna dai, dawak naini niningkauh laih metro 50 duwadai. Watak daklana paskau pirihta nuhni kidika, baisa ū nuhni kidika dawak daklana balna kauna kidika bik, metro 50 duduwadai. 14Makat yulnin ūni pirihta niningkauh, kidika minityakat baisa ma kilwa niningkauh watak itikna pakdai kidika laih metro 50 duwadai. 15Usnit kat ū nuhni naini niningkauh kidika kulwi talna dai makat yulnin ūni dangnit yakat tusdai kidika, watak daklana muhnitkau, baisa daklana pirini balna kidika laih metro 50 duwadai.
Makat yulnin ūni amput yamnin balna kidika
Makat yulnin ūni paskau ahni panuhni pakkidika dawak watak kiwikawa pāni kidika 16-17tat kau nanitdakna dai. Windar balna ayan panani kau lakwi pardawi birna kidika dawak yaihnit yakat daklana balna dai kidika pirini bāspak tat kau nandakna dai. Sau kaupak windar balna kat ahni naini kidika, dawak dūr kaupak makau kidika balna bik nandakna bangdai. Makat yulnin ūni daklana balna kidika, pasyakat dawak ahni yakat bik, 18daklawi kidika yakat di lawani dawak kuku satni balna wayani yamna dai. Di lawani as kidika muhni bu duwadai; 19muhni nakas kidika yakat, muih al muhni as kat kuku satni as yakat talwadai, dawak muhni uk kidika laih, layan muhni as kat kuku satni as yakat talwadai. Kaput makat yulnin ūni yaihnit bitik yakat 20di lawani wayani balna dawak kuku satni wayani balna yayamna bangdai, sau kaupak dūr balna makau kat. Papuskau ahni nuhni daklana yakat, 21dūr kungni kidika laih ū rahni balna kidika rababutni kat duwadai.
Tat kau sakripais busnin pāni yamna kidika
Holi pāni kiwikawa muhnityakat di as sakdai kidika laih sihm 22sakripais busnin pāni tat kau yamna kapatdai, pirini balna kidika laih metro as as duduwadai, dawak maluihni niningkauh laih metro as minitkau papusbah duwadai. Sipintang balna duwadai, dawak uknin panani#41.22 Uknin panani: grik kau kaput ulna. Hibru kau laih naini. dawi pirini balna kidika laih tat kau dai. Muih al kidika yaklau yulna: “Adika tinibil adika ki Dawan muhni yakat sakkidika.”
Dūr balna
23-24Papuskau ahni panuhni kidika dawak holi pāni kidika bik dūr bu bu duduwadai, kidika balna laih daklana niningyakauh apapahwadai. 25Papuskau ahni panuhni dūrni balna kidika laih di lawani wayani balna dawak kuku satni wayani balna bik yayamna dai, sihm daklana kau duwadai kapat. Ū nuhni kiwikawa pāni, ahni niningkauh yakat, pan kararauni lakwi pardawi pana#41.25 Pan kararauni lakwi pardawi pana: Hibru kulnin kidika laih lāih awaski. Sipki amanglana atnin upihbas, sink kidika awaskat, ū bīnni, rababutni balna. kidika as sakdai. 26Ū watak kiwikawa balna bitik kidika windar balna yakat ayan kararauni lakwi pardawi birwi kuku satni balna kidika yayamna manahdai. Silak ūni balna makat yulnin ūni yaihnit yakat bangkidika bik ayan kararauni lakwi pardawi birna kidika duduwadai.
Currently Selected:
Ezequiel 41: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
