1 Kurint 5
5
Barangni awas kidika niningyakatlani yamnin kidika
1Amanglanamayang manna pasyakaupak as witing papangni yalni yakat duwi.#Dt 22:30. Adika lani barangni awas kidika laih dutni palni ki, Papang yakat kukulwas muihni balna pasyakat bik adika dini kalahwas ki. 2¡Dawak manna laih kidika minityakat manna manah kapat kaldakamana! ¡Kulnamna buknin ki! Angdika alni kat sihm kidika lani kapat yalahwa kidika laih manna pasmangna kaupak yakpamnin ki. 3Yang nikingkauh laih, yang muihki nuhni kidika manna pasmangna yakat sakawasyang kaunah, spirit niningkauh laih manna karak yang; dawak, manna karak sakyang kapat, uman laki kidika kalanayang angdika muihni kapat yamwa kidika yakat. 4Manna kaluduhtanama mani kat, yang laih spirit niningyakat manna karak awaki ki, dawak Madakiwan Jisas Krais parasni kidika bik manna karak karang. Bahang, Madakiwan Jisas Krais ayangni usnit yakat, 5kidika alni laih sitan tingni yakat āna karang, kaput laih witing muihninuh kidika daukalna karang dawak spiritni kidika laih Dawan kaiwarang mani laihwi yakwarang.
6Manna laih rahmmana dis ki manna manah kapat kaldakanamna. Uman amanglatamana kulnin lani as yulwa kidika: “Plawar pupuhnin dini bulah kidika plawar ulangwi laihna kidika bitik pupuhwi.”#Gal 5:9. 7Kaput bahang kidika plawar pupuhnin dini umani kalna kat manadaukalwa kidika ahni yakat ruhmyaktanauh, sihm plawar wisam laihwi busna kapat atnamna yulni. Manna laih rahm palni plawar pupuhnin dini dis busna kat insal kaiwi bayakna mani kakaswa kidika kapat mana. Kat Krais laih, insal kaiwi bayakna mani sīpni kidika,#Ex 12:5. witing laih sakripais yakat dauna mayang mayulki. 8Kaput bahang mayang laih insal kaiwi bayakna mani kidika alasna yamnin ki alas yulnin lani dis karak dawak rahm lani karuk bik, kidika laih sihm plawar pupuhnin dini dis busna kapat kidika,#Ex 13:7; Dt 16:3. dawak dutni yamwi daukalnin lani kidika karak laih awas ki, sihm plawar pupuhnin dini balna umamani kapat.
9Yang wauhkitaya ūk ulnayang yakat laih, yang lawik manayulnayang manna muih la munah kalduduwas muihni balna kidika karak di as bik didis atnamna. 10Dawak adika yulni karak manna kidika sau akat di balna dudutni kidika kaupak barang lawanamna yultasyang, di malyang balna, wayani dauh yakat minitna yulyang balna kaupak, bahang manna kidika dini balna rahm kaput yamnamna karang kat, manna sau akaupak alahwanamna karang ki. 11Yang yulnik dukih yana kidika laih manna muih as karak bik wirahki manayulwa kidika, barangni muihni awas karang, wayani dauh yakat minityulwa karang, muih yulni yulwi karayang muihni, wasak diyang karang, kidik awaskat di malyang muihni karang, manna kidika muihni balna karak di as bik dis atnamna ki. Kidika muihni balna kapapat kidika kalpakta di kat bik kakaswinih. 12-13Ahni muihni balna kidika laih yang lawik lanina yamnik muihni awasyang; Papang yaklau lanina yamwarang ki. Kaunah manna pas akat bangmana kidika laih uman lamana yamna. Kidika bahang, kidika muihni dutni yamyang kidika manna pasmangna kaupak yaktanauh.#Dt 13:5; 17:7.
Currently Selected:
1 Kurint 5: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
