1 KORINTUS 8
8
Ēco basicim atetamfes das memen
1Bare, ow, das ēco atetamces, ar ēco asicimcemes. Caram, “Dar a takas namsom,” inim aefokom. Bare, er atakamnak ara. E nat, e amsom ow, arma atawsicimcemes. E damos ajiomames ow nat, ow asan akat aomcemes. 2Ow bi binip aceceremces, “Bare, nomsom ar,” inim aeces, ar e akatas amsomnak opok. 3Allah nat, e ar damos ajiomames ow amsom ara.
4Dar, ow e ēco basicim atetamfes das memen atakam atawmom ara. E ēco takas, bare anakatas opok ara. Daram inimas namsom. Allaham, bare cowokut ara. Daram inimas damsom. 5Asmat ow, awames capinmiasam, e onam opasam, “allah,” inim juwas aamfes. Atakamnak ara, e allah kanim bare arke awapes. E tuhan kanimam arke awapes. 6E daras nat, Allah cowokut ara. Aramat ipic daricipic ara. Aram e pokin pokin takas akenemapomef ipic ara. Daram aras ara. E Tuhan Yesus Kristusam, bare cowokut ara. Aramat ipicam e pokin pokin akenemapomef. Aram joses atetamamarow.
7Wun ow nat, inimas amsom opok ara. Ametnak ara, e wun ow, e ēco ajamkawiawara ajimpes. Inimas ara, wow ajiwaram, e das aances, ar e das e ēco basicim batetam das ara, inim bi binip aceceremcemes. E ow nat, eras amsomnak opok ara. Inimas abi binip ara, “A das memen, bare dosaas ara,” inim aecemes. 8Pok memennew, pok memen opoknew, bare awcawor ara. Er dar Allah mamkawi fak bemapomas opok. Dar pok memen opoknew, er dar asan pwicak bemapomas opok. Daram pok memennew, er dar asan akat bemapomas opok.
9Bare, caram eras e akat aporcokomas jipu mamemey. E nat, caram pimicima. E akat aporcokomas, e Yesus mamkawi fak opok ow, Yesus mamkawikurum bakekem arapok. 10E wun ow abi binip ara, “E das memen, dosa ara,” inim bi binip aceceremames. Ca nat, camsom ow ara. E ow nat, car pok, e ēco basicim cem aman bapan aporcan, aram, “Bare, doram e das memen,” inim atakam asakamtiwtotorcemes openow. 11Inimas ara, e camsom ow, e amsomnak opok ow, asan pwicak aemapomcomokom. Kristus nat, e ow damir emeaftamef. 12Inimas ara, car e amsomnak opok ow ajurusumcomokom. Caram dosa e ow aomcomokom. Bare, caram dosa Kristus aomcomokom. 13Dor pok aancey, wunam eras e dojowow Yesus mamkawikurum bakekem aporcey, bare, dor das boan opok cowok aemcimin. Dor e dojowow Yesus mamkawikurum, bakekemasin.
Currently Selected:
1 KORINTUS 8: LAICNS
Highlight
Copy
Compare
Share
Want to have your highlights saved across all your devices? Sign up or sign in
LAI 1985
