1 KORINTUS 3
3
Allah kerja bwemtam ow
1Dojowow akatonokom. Dor, car, Roh Kudus atakam ji bwe ow inim cimin, atakam car bwemotaw asan opok. Ca nat, asmat jak basinomas bwem ow ara. Car Kristus jepen ajamkawifokom inim cimin ara. Car esepen jiwi inim cimin ara. 2Dor aw car anamawirin inim cimin ara. Dor amos car manam opok aemawirin inim cimin ara. Car amos bwememen asan opok aemawirukum. Wow ajiwaram car amos bwememen asan opok. 3Car wow ajiwaram, asmat jak basinomas aemamokom ara. Car icim aamfesmokom ara. Caram atakam aamtawmokom ara. Inimas car asmat jak basinomas aemamokom ara. Car e Yesus mamkawi opok ow inim cimin aemamokom ara. 4Car wun ow atakam aotawmokom, “Dor Paulus mamkawi ara.” Inim aemokom. Car wun ow masirin, “Do Apolos mamkawi ara.” Inim aemokom. Inimas ara, car e Yesus mamkawi opok ow inim cimin aemamokom. 5E Apolos nat, ucim ipicam? E Paulusam ucim ipicam? Dar Allah kerja bwemtam ow cowok ara. Dar atakam car aotawfenom. Car masirin, Yesus asicimfokom. Daram aporsipor e Tuhan atetamforowas kerja aemamom. 6Dor e eke atewapomof inim cimin ara. Apolos masirin, e eke bwi akukumef inim cimin ara. Allah nat, e eke awanimapomef inim cimin ara. 7E eke batewapom ipicam, e eke bwi bakukum ipicam, bare penting opok. Allah nat, e eke ajitimama. Bare, aramat ipic penting ara. 8E eke batewapom ipicam, e eke bwi bakukum ipicam, awcawor ara. Allaham, asan akat e akerja bwemtam ow aporsipor aomcema. Ar e kerja akatnakut ow, asan akatnakut aomcema. Ar e kerja akat inim ow, asan akat inim aomcema. 9Bare, dar Allah kerja akac aemamom. Car masirin, Allah akebun inim cimin ara. Caram Allah acem inim cimin ara.
Cem bweapom
10Allah, cem bweapom cescuwas, dor atetamfan. Dor masirin, cem fasis ajirimapomof inim cimin ara. Wun ipic masirin, cem e fasis ton aetiwef inim cimin ara. E nat, e fasis ton cem bwetiw ow aporsipor pimicim baemces. Cem akat baeapomces. 11Ow wun fasis bwemjirimapom asan opok. E ajirimapomofas cowok, bare fasis anakat ara. E fasis, bare Yesus Kristus ara. 12Ow e cem aeapomces ara, wun ow emasnew, peraknew, ek akatipicnew, aeapomcemes. Wun ow masirin, osnew, fuminnew, onewnew, aeapomcemes. 13Tuhan jofay aenawcow, ow, e kerja ow, kerja akat aemfesnew, kerja pwicak aemfesnew, aporkurumcemes. Jismak e pwicakas afamtiwcema. E nat, jismak e akatas bwemfamtiw asan opok. Inimas e jismak, e kerjaas, akatnew, pwicaknew, aporomtamcema. 14E fasis ton aeapomfes cem, sos opok aemcow, bare Allah e cem bweapom ow, asan akat atetamcema. 15Ow akerjaas sos auruces, ar e asan akatnak bemap opok. Aramat ow nat, ajoremtotorcemes. Ow, e ow, jismak aman asarimtewfes inim cimin aememcemes.
16Bare, car Allah acem ara. Wunam Allah Roh cajak aman aemapma. Inimas camsom opoknew? 17Allah cem, bare mami cem opok. Inimas, ow, Allah cem daniwis aemtiwces, Allah, e ow daniwis aemtiwcema. Allah cem, bare car ara.
18Ow tot arma bot arapok. Ow bi binip aceceremces, “Dor awames capinmi bi binip umutonas aomomamin,” inim aeces, aram jen ow inim cimin baememces. Jen ow inim cimin aememces, bare bi binip umutonnak ow aememcemes. 19Allah nat, asmat ow bi binip umutonas, jenas apormar ara. Bare, e Alkitab atakam ara, “Aramat ipic, e bi binip umuton ow, e atot botas aporcema.” Inim aema. 20Wunam, “Tuhan, e bi binip umuton ow abi binip desenas apormar ara.” E Alkitab inim aema. 21Inimas ara, ow e asmat ow pok aemamesas basicim arapok. Bare, e takas caras ara. 22Paulusam, Apolosam, Kefasam, caras ara. Awames capinmiam, a jiwneasam, a damirasam, wow aemamesasam, e asep jofay aenawcowasam, bare e takas caras ara. 23Caram Kristus aras ara. Kristusam Allah aras ara.
Currently Selected:
1 KORINTUS 3: LAICNS
Highlight
Copy
Compare
Share
Want to have your highlights saved across all your devices? Sign up or sign in
LAI 1985
