Masalmo 99
99
Txizimu, Mfumeli Nyamitamo
1 # Wona ni ka: Eks. 25:22. Mkoma wa fuma;
ma na dhudhumele matiko.
Ene a khalahatshile txitimwi ka makerubhima.
Mafu ma na dekadeka!
2 Mkoma mbwa hombe mmangoni ka Siyoni;
a txitimwi ka votshe vathu.
3Di na dhumiswe ditina da hombe da kuthisa,
nguko dona di sawulekile.
4Awe u mfumeli wa mtamo, u randa kululama,
ngawe u nga tsanisa asi i ku sa fanelo;
u lamula ngu fanelo ni kululama vanana va Jakobe.
5Dhumisani Mkoma, Txizimu txathu;
khizamani masoni ka txikhalo txakwe txa wukoma.
Nguko Mkoma a Sawulekile!
6Mosi ni Aroni i ti vaphaxeli vakwe
Samuwele i ti mmweyo wa vale
va dhumisako ditina da Mkoma;
vona va dhani Mkoma, se ene a va xamute.
7 # Wona ni ka: Eks. 33:9. Txizimu txi wombawombile navo
txi di mndani ka marefu;
vona va ti ti xayisa sileleto
ni milayo yi txi nga va ninga.
8Awe Mkoma, Txizimu txathu, u va xamute!
Kwawe u ti wonekisile kota Txizimu
txi txi divalelako vathu,
hambiko u nga si leki ku va tsayisa
ngu sionho sawe.
9Dhumisani Mkoma, Txizimu txathu;
mu khizameleni mmangoni kwakwe ko sawuleka!
Nguko Mkoma, Txizimu txathu, a sawulekile!
Currently Selected:
Masalmo 99: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
