Masalmo 100
100
Ndando ya kudhumisa
Disalmo da kudhumisa
1Embelelani ka Mkoma ngu litsako,
anu vathu va dotshe ditiko!
2Khozelani Mkoma ngu litsako,
ngonani masoni kwakwe mi txi embelela tindando ta migiyo.
3Ti ziveni ti to Mkoma ngene Txizimu txathu;
ngene a nga hi va nga, athu hi lumba ene;
athu hi vathu vakwe ni mtxhambi wakwe!
4Wulelani dithepeleni kwakwe mi txi bonga;
wulelani siluveloni kwakwe, na mi txi embelela;
mu dhumiseni mi bonga ditina dakwe!
5 # Wona ni ka: 1 Mak. 16:34; 2 Mak. 5:13; 7:3; Mas. 106:1; 107:1; 118:1; 136:1; Jer. 33:11. Nguko Mkoma mbwamnene,
ni wumbilu wakwe kha wu na magwitiko!
Kambe ditshuri dakwe nda liveleko ni liveleko.
Currently Selected:
Masalmo 100: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
