Masalmo 93
93
Txizimu Mfumeli wa Sotshe
1 Mkoma wa fuma; a ambate wuhombe;
e kombisa wotshe mtamo wakwe.
Ngu toneto, mafu ma tsani,
kha ma na kudekadekiswa.
2 Mkoma, txikhalo txako txa wukoma,
txi tsani kukhukhela makhatoni,
nguko awe waho kala kupinduka!
3 Mkoma, Linene la pfala kudhuma ka lona
la guleta mavimbi a lona a hombe.
4Aniko awe, Mkoma, u ku Nyatxitimwi,
u wa mtamo ngutu kupinda kudhuma ka mati;
u ni mtamo ngutu kupinda mavimbi a linene.
5Mithetho yako, Mkoma, yi tsani ngutu,
dithepele dako di hanelwa ngu wusawuleki kala kupinduka!
Currently Selected:
Masalmo 93: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
