Masalmo 92
92
Ndando yo bonga Txizimu
Disalmo. Ndando ya Masabbata
1Ti ni fanelo ku kubonga, awe Mkoma,
ti ni fanelo ku kudhumisa ngu tindando, awe Nyatxitimwi!
2Ndinene kuhuwelela wumbilu wako ni mixo
ni kunuwela ditshuri dako ni wusiku,
3ngu kuveta mbila ya digumi da makhokhoma ni haripa,
ni kuembelela ngu txitende.
4Mithumo yako ya hombe, Mkoma, ya hi tsakisa!
Mithumo yako ya hi ninga kuembelela ngu yotshe mbilu.
5 Mkoma, mithumo yako nja hombe ngutu,
mapimo ako ma etile ngutu!
6Mabhemba kha ma yi zivi mhaka yiya
siphukuphuku kha si yi pimisi.
7Vathu vo biha hambi va txi anda kufana ni mwasi
vabihi hambi va txi engeteleka,
Mkoma a na va fuvisa kala kupinduka.
8Kambe awe, Mkoma, u wa hombe yotshe mbimo.
9Kha ditshuri, Mkoma, valala vako va na fuviswa,
votshe vabihi va na hangalaswa.
10Ani u ni ningile mtamo wa nyari;
u ni katekisile ngu ku ni tota mafura o bhumula ha msungo.
11Ni va woni valala vangu ve xulwa,
ni ti engisile tihuwa ta vale va nga ti lava ku ni wukela!
12Mlulami a na kula kufana ni mkhokho
ene a na lapha kufana ni mndonga wa mkedhari wa Libhanoni.
13Kufana ni mindonga yi yi nga phaywa m'tini ka Mkoma,
ene a na kula ha mthandani ka Txizimu txathu.
14Hambi yi di kumbile mindonga yile ya veleka mihando
yi zumba yi di nonile ni kuhanya,
15kasi kukombisa ti to Mkoma a lulamile.
Ngene txiwindi txangu txa wuthavelo,
kwakwe kuwalo kukanganyisa.
Currently Selected:
Masalmo 92: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.