Masalmo 81
81
Kubusa ni txithavo
Ngu ka Asafe. Ka mthangeli wa vaembeleli ngu mpfumawulo wa “Sigowolo.”
1Embelelani, mi dhumisa Txizimu, m'vhikeli wathu!
Pekani mikulungwani ya kutsakela Txizimu txa Jakobe!
2Embelelani tindando, mi txi veta sikhitsi,
embelelani, mi txi veta mbila ni haripa.
3Vetani mpundu wa kutsakela kumeka ka mtxima
mi txi veta kambe ngu ditshiku da mtxima wa ngoma,
i ku ditshiku da m'buso wathu wa hombe!
4Atiya, mlayo wa vanana va ka Israyeli,
i mthetho wa Txizimu txa Jakobe.
5Mthetho wu va nga ningwa vanana va Josefa,
mbimo yi va nga huma ngu Egipta.
Ni engisile dipswi di ni si ziviko ku di pfa, di txi kha dona:
6“Ni humutile makata ako
kurwala mrwalo wa kunemela;
ni humutile manza ako kurwala masaka.
7Kuxanisekani kwako, u ni dhani ni ta kuhanyisa;
ni ku angute, ni di direfuni ka txingwalangwanda,
awe u nga ni duka matini ka Meribha.
8Engisani, vathu vangu, sileleto sangu;
oh idiku wo ni engisa, Israyeli!
9 # Wona ni ka: Eks. 20:2-3; Dhewut. 5:6-7. U nga lave simwani sizimu hagari kwako
u nga khozele simwani sizimu.
10Ani Mkoma, ngani ni ku Txizimu txako,
ngani ni nga kuhumisa ngu Egipta.
Ni na kuninga sakudya
yotshe mbimo u no pfa nzala.
11Kambe ngamu yangu kha ya lava ku ni engisa;
Israyeli kha komba kukhatala ngu ngani!
12Ngu toneto, ni va lekile
ve maha kuranda kwawe
ni kulondetela minavelo yawe.
13Idiku ngamu yangu yi ti ko ni engisa!
Idiku Israyeli a ti ko londisela tinzila tangu!
14Nga ni di wisile tingana valala vakwe,
nga ni di tsayisile avale va mu lwisako.
15Ava va nyenyako Mkoma,
va ndi na wiswa hahatshi masoni kwakwe
ku abaniswa kwawe ku ndi nava ka malembe ni malembe.
16Kambe ni ndi na mninga fulaho ya yinene ngutu,
ni mkhurisa ngu wulombe
wo huma ngu mu ka dirigwi.”
Currently Selected:
Masalmo 81: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
