Masalmo 76
76
Txizimu txi txi xulako
Disalmo da Asafe. Ndando. Ka mthangeli wa vaembeleli - ngu sivetaveta sa tingoti.
1Txizimu txa ziwa ditikoni ka Judha;
ditina da txona nda wudhumo ditikoni ka Israyeli.
2Nyumba ya txona ya wukhongeli yi maneka Jerusalema;
m'ti wa txona wu mmangoni ka Siyoni.
3Ngu koneyo a nga komolela kona sibhamu sa yimbi:
Sitxhavangu, matxhari, malaho ni tingove.
4Wudhumo wako mbwa hombe, awe Txizimu!
Wudhumo wako mbwa hombe ngutu
kupinda tithundu ta so tekwa yimbini.
5Tindena ta hombe ti honyoletwe sa tona
hambiko i nga ti vanyamitamo,
kha va sikota kumaha txilo
se va otete wukohe wawe wa magwito!
6Ngako awe Txizimu txa Jakobe, u txi va dhusa,
sikotxikani sawe ni mahantxhi awe sa ema.
7Awe, Mkoma, wa thisa ka votshe;
kuwalo wo tsana e tserama masoni kwako,
ngako u di henyile.
8U di txitimwi nzumani wa zivisa kulamula kwako
se ditiko da dhudhumela di malala,
9mbimo yile Txizimu txi nga khukha kasi kulamula
kasi kutxhatxhisa votshe vale vo dikha ha mafuni!
10Txiviti txako txa kuhenyela vabihi
txa hinduka txi maha wudhumo wako;
vathu va va nga huluka kufa ngu yimbi
va na maha m'buso wa ku kualakanya!
11Mahani sithembiso ka Mkoma, Txizimu txanu,
aniko txi ningeni asi mi nga txi thembisa.
Otshe matiko a hafuhi
ma na wuyise miningelo
me ta luva Txizimu txi fanelako kuxoniphwa!
12Txona txa thavisa mtamo ka vakoma
txi thela dizowa ka vafumeli va ha mafuni.
Currently Selected:
Masalmo 76: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
