Masalmo 65
65
Kubonga ku mhaka ya kuelula
Disalmo da Dhavhidha. Ndando. Ka mthangeli wa vaembeleli.
1Awe Txizimu, u ni fanelo ya kudhumiswa kona Siyoni
ni ti to vathu ve tatisa sixambanyo si va nga ku mahela.
2Awe wa engisa mikombelo yathu
se votshe va ta kwako,
3sa simama sionho kwangu;
aniko awe wa divalela sihambunyeto sathu.
4A katekile wule awe u msawulako u txi m'dhana
kasiku e hanyela Dithepeleni kwako, hafuhi ni nawe.
Hi na khura ngu silo sa nyumbani kwako,
amu Dithepeleni kwako ko sawuleka!
5Awe wa hi xamula, Txizimu, muhanyisi wathu,
ngu mithumo yo xamalisa ya kululama;
otshe mafu ma themba awe
ni kotshe kuanama ka linene.
6Awe wa tsanisa mimango
ngu wukoma wako ni mtamo wako.
7Awe wa malata kubhonga ka mati a linene,
ku gobhoza ka mavimbi ni diguwa da vathu.
8Hambi ni vale va nga aka ka matiko a kule
va dhudhumela masoni ka sidiwukiso sako;
simaho sako si tisa mikulungwani ya litsako
kukhukhela makhatoni kala magwito ka ditiko.
9Awe wa xayisa ditiko, u txi di rumela txyandela
u txi di ninga kunona ni kupfuna.
Wa tata minambo yi txi khulunga
se u txi nonisa tithembwe ta fulaho,
nguko mafu u ma mahete toneto.
10Wa theletela mati mu ka misele,
u txi pima wungi wa ona;
wa nakanisa mafu ngu mati amangi a kuwa
u katekisa timbewu ta kona.
11Wa katekisa dilembe ngu kunonisa tithembwe!
Kotshe mu u tsimbilako ngu kona kuho kupfuna.
12Lihawu la txiwulani la nakana
se situnga si tala ngu tithomba.
13Tibala ti tate ngu mitxhambi ya sifuyo;
mikova yi tate ngu fulaho;
ngu mhaka yeto, va tsaka ngutu ve kulungela!
Currently Selected:
Masalmo 65: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
