Masalmo 54
54
Mkombelo wo kombela kuvhunwa ngu Txizimu
Txithokozelo txa Dhavhidha. Ka mthangeli wa vaembeleli - ngu sitende sa tingoti. Txi nga bhalwa ngu Dhavhidha, mbimo yile vazumbi va didhoropa da Zifi, va nga ya gela Sawule taku Dhavhidha a sisate ditikoni kwawe.
1Ni hanyise, awe Txizimu! Kulisa ditina dako!
Komba mtamo wako, u txi ni lamulela!
2Awe Txizimu, engisa mkombelo wangu;
riya nzeve u txi engisa mapswi angu!
3Vanyamtangumo va ta, ve ta ni vhuka;
vathu va tshofu va lava ku ni daya,
va si khatali ngu Txizimu.
4Aniko Txizimu i mwemeli wangu;
Mkoma ngene a ni ningako wutomi.
5Maha ti to kubiha ku txi wa txitimwi
ka vale va ni xanisako.
Va fuvise awe, Mkoma,
ngu mtamo wa ditshuri dako.
6Ani ni na ninga miphaxo ngu kuranda kwangu;
ni na dhumisa ditina dako, Mkoma,
nguko awe u wamnene,
7nguko u ni hulukisisile
kuxanisekani kwangu;
se maso angu ma wonile
kuxulwa ka valala vangu.
Currently Selected:
Masalmo 54: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
