Masalmo 49
49
Khangaho wo huluka kufa
Disalmo da wu mtxawa wa ka Kora. Ka mthangeli wa vaembeleli
1Engisani mhaka yiya, anu vathu va ha mafuni;
yi engiseni anu mi nga aka ha ditikoni,
2vanyatithombe mwendo sisiwana,
anu va mtamo mwendo sikulungu.
3Ni lava kuwomba mapswi a wuzivi,
ni txi mi gela mapimo angu a kutshima ngutu.
4Ni na engisisa tigondo ta wuzivi
ni na txhamusela wuzivi wuwa
ngu kuveta ka txitende.
5Ni na thavela txani masiku a kubiha,
mbimo yi valala vangu va no ni randela kani?
6Vona va themba tithomba tawe,
va ti kukumukisa ngu suma si va ku naso.
7Ku walo ni wammweyo wawe a sikotako kutirula mwanawe,
mwendo kuningela txo ti tirula ngu txona ka Txizimu.
8Kutirula m'thu ka dhula ngutu;
hambi yotshe male yidotho;
9nga yi si eneli kutirula wutomi wa m'thu,
kasiku e hanya kala kupinduka.
10Nguko wa ti wona taku titxhari ta fa,
kufana ni mabhemba ni sipumbu,
va txi siya suma sawe ka vamwani.
11Mapimo a mndani kwawe, ngu tito,
tinyumba tawe nda yotshe mbimo,
ka liveleko ni liveleko;
matiko awe va ma raya matina awe vapune.
12Wuhombe wa m'thu kha wu sikoti
ku m'hulukisa ka lifo;
kufana ni sotshe sihari, nene a fanete kufa.
13Ayiya ngu yona nzila ya vale
va ti thembako ngutu vapune;
magwito a vale va ti dhumisako ngu mapswi awe.
14Va siketwe kufa kufana ni tinvuta,
se lifo li na maha m'dyisi wawe;
va na mitwa ngu lifo kufana ni sihari;
mtamo wawe wu na mitwa
wu txi txakutelwa ngu dithuna.
15Kambe Txizimu txi na tirula wutomi wangu,
txi na wu hulukisa mtamoni ka lifo.
16U nga khatale ngu wule a sengeletelako tithomba,
hambi wu a engetelako nduma ya m'ti wakwe.
17Mbimo yi a no fa, kuwalo txi a no tsula natxo;
thomba yakwe kha yi na mbi mpangalata.
18Hambi a sa nga va ni kupwata txilo
kuhanyani kwakwe ha mafuni.
Hambi vathu va txi kudhumisa ngu mhaka ya tithomba tako,
19a na ya ka liveleko la vatate vakwe;
kha va na mbiswa ve wona ditambo.
20Wuhombe wa m'thu kha wu sikoti
ku m'hulukisa ka lifo;
kufana ni sotshe sihari, nene a fanete kufa.
Currently Selected:
Masalmo 49: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
