Masalmo 4
4
Txizimu, u m'vhikeli wangu
Disalmo da Dhavhidha. Ka mthangeli wa vaembeleli, ni sitende sa tingoti.
1Awe Txizimu, mlweli wa tifanelo tangu,
ni xamule ni txi kudhana!
Awe ngawe u nga ni hulukisa ka sikarato,
telwa ngu wumbilu ngu ngani,
u txi engisa mkombelo wangu.
2Anu vanana va vathu, mi na poyilela wudhumo wangu
kala yihi mbimo kani?
Mi na leka ditshiku muni kukanganyisa,
ni kuranda makuhu kani?
3Ti ziveni taku Mkoma wa maha sidiwukiso
ka wule a mrandako,
Mkoma wa ni engisa,
ngako ni txi kwangula masoni kwakwe.
4 # Wona ni ka: Vaef. 4:26. Dhudhumelani kambe mi nga goheni.
Wombawombani ngu mbilu mi di malate
mi txi otela matahoni kwanu.
5Ningelani timhamba ta kululama
mi txi veka kuthemba kwanu ka Txizimu.
6Vavangi va womba va txi kha vona:
“I mani a no hi ninga makatekwa kani?”
Mkoma hi woninge ngu liwoningo la khohe yako!
7U vekile litsako la hombe mbiluni kwangu
kupinda la vale va tsakelako
kupfuna ngu fulaho ni vhinya.
8Ni na rwama ni txi otela ngu kudikha,
nguko awe, Mkoma, ngawe dwe
u ni ningako kuhanya ngu kuxayiseka.
Currently Selected:
Masalmo 4: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
