Masalmo 3
3
Mkombelo wo kombela kuvhunwa ngu Txizimu
Dhavhidha, a bhate disalmo diya, mbimo yi a nga txi thava ka mwanana wakwe Absalome
1 Mkoma, eto va nga talisa tona valala vangu!
Va tate avale va ni wukelako.
2Mbavangi avale va wombako ngu ngani va txi kha vona:
“Kha ku nga ho kuhanyiswa kwakwe ngu didhawa da Txizimu!”
3Aniko awe, Mkoma,
u txitxhavangu txangu txo ni vhikela;
awe u wudhumo wangu,
ngawe u ni tsanisako.
4Ngu dipswi do guleka
na peka huwa kwakwe Mkoma,
se ene wa ni angula a di mmangoni kwakwe ko sawuleka.
5Na rwama ni txi otela wotshe wusiku,
ngu msana ni txi wuka,
nguko Mkoma wa ni vhikela.
6Kha ni na mbi va ni dizowa ni magumi a mazana a vathu,
va nga ni randela
kasi kulwa ni nani.
7Ngono, Mkoma, Txizimu txangu, u ta ni hulukisa,
awe u pekako valala vangu mathamani
awe u khunulako makwasa a va vakubiha.
8Kuhanyisa kuta ngu kwako, Mkoma
makatekwa ako ma nave txitimwi ka ngamu yako.
Currently Selected:
Masalmo 3: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
