Masalmo 5
5
Mkombelo wo kombela kuvhikelwa ngu Txizimu
Disalmo da Dhavhidha. Ka mthangeli wa vaembeleli - va misengele.
1 Mkoma, riya nzeve
u txi engisa mapswi angu,
engisa kuketa kwangu.
2Engisa huwa yangu,
awe Mkoma wangu ni Txizimu txangu,
nguko ani ni tisa kwako mkombelo wangu.
3Ni mixo, Mkoma, engisa dipswi dangu,
neti di txi txa ditambo ni veka
masoni kwako txikombelo txangu
ni txi rinzela xamulo yako.
4Awe khu nga Txizimu txo tsakela to biha;
avale va mahako kubiha kha va si
koti kuzumba hafuhi ni nawe.
5Avale va ti kulisako kha va na wukhalo hafuhi kwako
nguko awe wa nyenya votshe
vale va mahako kubiha
6wa fuvisa ava i ku vamakuhu.
Wa nyenya sigevenga ni vakanganyisi.
7Aniko, ani, ngu wuhombe wa lirando lako,
na sikota kuwulela nyumbani kwako
ni txi kukhozela amu Dithepeleni kwako ngu txithavo.
8Ni tsimbitise, Mkoma, ngu nzila yako yo lulama
u txi ni vhikela ka valala vangu.
Lulamisa masoni kwangu nzila yako.
9 # Wona ni ka: Var. 3:13. Sisofuni kwawe kha ku na ditshuri;
timbilu tawe ti tate ngu wubihi.
Mkolo wawe diyiva do asama,
lidimi lawe li yisa kufani.
10Awe Txizimu va rweke mnandu wawe!
Va leke va txi loviswa
ngu makungo awe.
Va tutumise ngu mhaka
ya mtalo wa sionho sawe,
nguko va terekile va txi kuwukela.
11Kambe va na tsake votshe
avale va thavelako kwako,
va na giye yotshe mbimo,
nguko awe wa va vhikela,
kambe va tsaka ngu ngawe.
Avale va randako ditina dako, va ku tsakelako.
12Nguko awe u katekisa wule
a mahako to lulama,
wunene wako wa m'vhikela
kufana ni txitxhavangu.
Currently Selected:
Masalmo 5: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
