Masalmo 38
38
Txivhuno txa Txizimu kuxanisekani
Disalmo da Dhavhidha. Da kualakanyisa.
1 Mkoma, u nga ni kawuke
ngu kuhenya kwako,
kambe u nga ni tsayise ngu txiviti txako.
2U ni dayisile ngu tingove tako
u txi ni wisa hahatshi.
3Ku walo txihango txa mmidi wangu, txi hanyako;
ngu mhaka ya kuhenya kwako,
kuwalo kuhanya marambuni kwangu
ngu mhaka ya sionho sangu.
4Sionho sangu si tshutshutile
si ni khubhunyetile ni msungo;
sa ni kama kufana ni mrwalo wo nemela ngutu.
5Silonda sangu sa nunga,
sa humela wubovhu,
ngu mhaka ya wuphukuphuku wangu.
6Ni dombekile ni tsimbila ni di namile ngutu,
ni zumba ni di kupandiseka dotshe ditshiku.
7Txiwunu txangu txa hisa ngutu;
wotshe mmidi wangu wa panda!
8Ni rerekile, ni wite hahatshi ngutu;
ni keta ngu mhaka ya kuxaniseka ka mbilu yangu!
9 Mkoma, awe wa kuziva kotshe kuvilela ka mbilu yangu;
ni tingumo tangu kha ti sisaleki kwako!
10Mbilu yangu ya bhibhikela ngutu, mtamo wu gumile.
Maso angu ni ona kha ma woni txilo.
11Vandoni vangu ni vanakulothi
va hambukile ngu mhaka ya dikhombo dangu;
maxaka angu ma ema ngu kule.
12Avale va lavako ku ni daya va ni riyete;
avale va ni navelelako kubiha va ni ruketela;
sotshe sikhati va maha sikungo so kanganyisa.
13Kambe ani ni ti maha diphanzeve, kha ni engisi;
ni ti maha txiduma, kha ni tuli txisofu.
14Ni fana ni wule asi engisiko,
awu a kuwalo ni dipswi da kutiangulela.
15Nguko ani ni themba awe, Mkoma,
awe wa ni angula,
Mkoma, Txizimu txangu.
16Ni kukombela txilo tximwetxo, Mkoma:
U nga tumele ti to vathu ve tsakiswa ngu dikhombo dangu;
u nga va leke ve ti kulisa
ngu mhaka ya kuhumbwa kwangu.
17Konkuwa ni hafuhi ni kuwa;
kuxaniseka kha ku ni leki, otshe masiku.
18Ni na ti tshanza sionho sangu,
nguko sa ni vangela kukarateka.
19Valala vangu va hanya,
va na ni mtamo;
mbavangi, va ni vengako
va si nga ni fanelo.
20Vona va ni dihela wunene ngu wubihi, ve ni wukela,
kasi ani ni khutala ngu kumaha wunene.
21 Mkoma, u nga ni leke!
Txizimu txangu, u nga ve kule ni nani!
22Ngono ngu kukuluveta u ta ni vhuna, Mkoma,
Muhanyisi wangu!
Currently Selected:
Masalmo 38: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
