Masalmo 16
16
Txizimu txi ni nani yotshe mbimo
Ndando ya Dhavhidha
1Ni vekete, awe Txizimu,
nguko ni thavela kwako.
2Ni wombile ka Mkoma ni txi khani:
Awe ngawe Mkoma wangu,
hahanze kwako kuwalo tximwani txi ni tsakisako.
3Vasawuleki va va ku ha mafuni,
ava va xamalisako
ngu mtamo wawe,
ngu vona va ni tsakisako.
4Kupanda ku na engetelana
ka vale va ningelako miningelo
ka simwani sizimu;
Ani kha ni na mbi patana navo
ka timhamba tawe ta mnoha,
hambi kukhumbuka matina awe ngu txisofu txangu.
5 Mkoma, awe u txyavelo txangu,
digombe di di ni lumbako;
wutomi wangu wu manzani kwako.
6Ni ningilwe txyavelo
ka makhalo o tsakisa
kunene thomba yangu ya ni tsakisa.
7A na dhumiswe Mkoma,
a ni layako;
hambi ni wusiku
wa khumbukisa livhalo langu.
8Yotshe mbimo ni na ni Mkoma
masoni kwangu;
kha ni na mbi dhukiswa ngu txilo,
nguko ene a ka didhawa dangu da txinene.
9Ngu kumaha keto, mbilu yangu ya tsaka,
ni moya wangu wa nengela
ni mmidi wangu wu na humula ngu kudikha.
10 # Wona ni ka: Mith. 13:35. Awe Mkoma, khu na mbi ni leka
ka wukhalo wa vafi,
kambe khu na mbi tumela ti to
msawuleki wako e sina diphalani.
11U na ni komba nzila ya wutomi;
masoni kwako ku tate litsako;
ka dianza dako da txinene, ku ni
kuzumbiseka ko mbi gwita.
Currently Selected:
Masalmo 16: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
