Masalmo 17
17
M'thu wa kwa mbi na mnandu a kombela wululamo
Mkombelo wa Dhavhidha
1Engisa, Mkoma, kululama
ka mhaka yangu,
engisa huwa yangu!
Engisa mkombelo wangu,
wu huma txisofuni kwangu
ko mbi xengetela.
2Kulamulwa kwangu ku na hume ngu kwako,
maso ako ma na wone ditshuri da mhaka.
3U xote mbilu yangu;
u ni endete ni wusiku;
u ni xolisisile, aniko khwa mana to biha;
ni to pimisa ku khani,
txisofu txangu kha txi na mbi tsulupeta.
4Kha na maha kubiha
nga ti vathu va mahako;
ani ni ti vhikete ka tinzila ta vathu va tshofu,
ngu kuxonipha sileleto sako.
5Ninga mikondo yangu kulondisa tinzila tako,
kasiku ni si hambuki ka tona.
6Ni huwelela kwako, Txizimu,
nguko awe u na ni xamula;
riya nzeve yako kwangu,
u txi engisa mapswi angu.
7Komba kuxamalisa
ka lirando lako,
awe u hulukisako vale
va thavelako mtamoni kwako.
8Ni xayise kufana ni ndololo ya diso dako;
ni sise mtsudini ka mabhapi ako,
9kule ka vale vo biha, va ni mahelako wurena,
u txi ni sisa ka valala vangu va ni randelako.
10Va bangisile mbilu yawe ngu mafura
va womba-womba ngu kutikulisa.
11Va ni londisela ngu mkondo,
va txi ni randela,
va lava ku ni wisa hahatshi.
12Va fana ni tingonyamo
ti ti lavako kupfinya mpfimba wa tona
ni singonyamwana si di sisate diphalani ka sona.
13Khukha u txi ema, Mkoma!
Va hinge u txi va dikha hahatshi!
Ni hulukise ngu ditxhari dako,
ka vathu va kubiha;
14ni hulukise, Mkoma,
ngu diwoko dako
ka va vo biha,
va fuvise ka ditiko diya.
Ka vale va kuthembako
va ninge tithomba to tala,
ti dinganako kukhurisa vanana vawe
ve tshumela ve khurisa
ni vatukulu vawe.
15Se ani, kulamulani kwangu,
ni na wona khohe yako;
ngako ni txi wuka
ni na tsaka ngu txithuzi txako.
Currently Selected:
Masalmo 17: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
