Masalmo 15
15
Mpfhumba wa Txizimu
Disalmo da Dhavhidha
1 Mkoma, i mani a no zumba
Dithepeleni kwako ko sawuleka kani?
I mani a no zumba ka mmango wako wo sawuleka kani?
2Hahanze ka wule a hanyako
wutomi wo mbi na dikhwiti,
a mahako kululama
ni wu a wombako ditshuri
mbiluni kwakwe;
3awule asi lumbetiko mkwawe
ngu lidimi lakwe
ni wu asi mahiko to biha ka mmwani,
asi bhumisiko phungo yo biha mwakelani wakwe;
4awule a solako ava vo biha,
aniko a txi dhunda
avale va thavako Mkoma;
awule a mahako ti a nga thembisa,
hambi ene a txi luzekelwa;
5awule a txenekisako male yakwe asi lavi dibhindu,
hambi awule asi tumeliko kuxavelelwa
kasi kuninga mnandu
m'thu wo mbi na txionho.
Awule a mahako tona eto
kha na mbi va ni kurereka.
Currently Selected:
Masalmo 15: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
