Masalmo 14
14
Wutandeki ni kuhanyiswa
(Disalmo 53)
Dhavhidha. Ka mthangeli wa vaembeleli.
1 # Wona ni ka: Var. 3:10-12. Mahundwa ma womba timbiluni ka ona,
ma txi kha ona:
“Kha txi nga ho Txizimu!”
Ma onhekile, ma txi maha mithumo yo nyenyeza;
kha nga ho ni wammweyo a mahako ta tinene!
2 Mkoma a wona vathu a di nzumani,
kasi kuwona ti to mwendo
a nga mana m'thu wammweyo wo ziva,
awu a lavako Txizimu.
3Aniko votshe va hambukile,
kambe va onhekile,
kha nga ho wule a mahako ta tinene.
Lambi ni wammeyo!
4Vamahi vakubiha votshe,
ina kha va nga ni wuzivi,
eko va kakatxulako vathu vangu,
nga wule a dyako dipawu,
na va si khumbuki kukhozela Mkoma kani?
5Vona va dhudhumela ngu kuthava,
nguko Txizimu txi ema ni liveleko lo lulama.
6Anu mi vhinganyisela
makungo a txisiwana,
aniko Mkoma
mbuthavelo wa txona.
7O! I mani a no wuyisa ngu Siyoni,
kuhanyiswa ka Israyeli!
Mbimo yi Mkoma a no katekisa ngamu yakwe,
vanana va Jakobe va na giya,
ani va ka Israyeli va na tsaka.
Currently Selected:
Masalmo 14: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
