Masalmo 143
143
Kuthemba Txizimu
Disalmo da Dhavhidha
1 Mkoma, engisa mkombelo wangu!
Riya nzeve upfa kuvilela kwangu;
ni pfisise madingano ni ditshuri dako, ni wululami wako!
2 # Wona ni ka: Var. 3:20; Vag. 2:16. U nga lave ku ni thethisa ani txithumi txako,
nguko masoni kwako kuwalo wu i ku wamnene.
3Mlala wangu wa ni xanisa,
wa ni ganyatela hahatshi;
wa ni kurumeta kuzumba txidemani,
kufana ni vale va nga fa kale.
4Se moya wangu wa xomuleka mndani kwangu;
ni mbilu yangu ya xaniseka khanani kwangu.
5Na alakanya masiku a kaleko
na pimisela yotshe mithumo yako;
na khumbula sotshe simaho sa manza ako.
6Na guleta manza angu kwako, ni khongela;
Kufana ni mafu a kuoma, moya wangu wa pfa ditora ngu ngawe.
7 Mkoma, kuluveta u txi ni xamula,
nguko ni gumile mtamo,
u nga ni sisele khohe yako,
ni nga fanane ni vale va yako diphalani.
8Ni ninge kupfa wumbilu wako ni mixo,
nguko ani ni themba awe.
Ni kombe nzila yi ni fanelako
kutsimbila ngu yona;
nguko ni guleta moya wangu kwako.
9Ni hulukise awe Mkoma, ka valala vangu;
nguko ani ni thavela kwako.
10Ni gondise kumaha kuranda kwako;
nguko awe ngawe Txizimu txangu.
Moya wako wa wunene
wu na ni tsimbitise ka nzila yo lulama!
11Ni hanyise awe Mkoma,
ngu mhaka ya ditina dako!
Humisa moya wangu xomuloni,
ngu mhaka ya kululama kwako!
12Fuvisa valala vangu,
ngu mhaka ya wumbilu wako;
kambe va khundumuse votshe vale va xomulako m'hefemulo wangu,
nguko ani ni txithumi txako.
Currently Selected:
Masalmo 143: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
