Masalmo 142
142
Mkombelo wa kulava kuvhunwa ngu Txizimu
Txithokozelo txa Dhavhidha. Mkombelo wu a nga wu maha a ti diphalani
1Ni dite ka Mkoma ngu dipswi dangu
ngu dipswi dangu ni khongete ka Mkoma.
2Ni tshakunuta txikarato txangu masoni kwakwe;
ni mxawutela xomulo yangu:
3“Ngako moya wangu wu txi guma mtamo,
awe Mkoma, wa yi ziva nzila
yi ni fanelako kuteka yona.
Ka nzila yi ni nga txi tsimbila ngu yona,
va ni riyete ngu mlawu.
4Ni to tuve txinene kwangu, se ni wona;
aniko kha na mana m'thu wo ni ziva;
ni pwata ko thavela kona;
kha ka maneka ni wammweyo wo khatalela moya wangu!”
5Ni dite kwako awe Mkoma, ni txi khani:
“Awe ngawe wuthavelo wangu;
kambe u thomba yangu ka mafu ya va va hanyako!”
6“Engisa kudila kwangu,
nguko se ni gumile mtamo;
ni hulukise ka vale va ni xanisako,
nguko va na ni mtamo kupinda ani.
7Thavisa moya wangu mkorani,
kasiku ni na dhumisa ditina dako;
vathu vo lulama va na ni randela,
ngu kuwona makatekwa awa u nga ni mahela.”
Currently Selected:
Masalmo 142: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
